بۇگىن تانىمال كينو جانە تەاتر اكتەرى، قازاقستاننىڭ حالىق ءارتىسى، «قۇرمەت»، «پاراسات» وردەندەرىنىڭ يەگەرى قۇمان تاستانبەكوۆتىڭ تۋعانىنا 80 جىل تولدى، دەپ حابارلايدى «ادىرنا» ءتىلشىسى.
ونەر يەسى 1945 جىلى الماتى وبلىسىنىڭ سارقانت اۋدانىندا دۇنيەگە كەلگەن. 1969 جىلى قۇرمانعازى اتىنداعى قازاق ۇلتتىق كونسەرۆاتوريانىڭ تەاتر فاكۋلتەتىن بىتىرگەن. ول ساحنادا و. بوكەيدىڭ «قۇلىنىم مەنىڭدەگى» - جان، «ۆەتنام جۇلدىزىنداعى» - ۇشقىش، ءا. نۇرپەيىسوۆتىڭ «قان مەن تەرىندە» - تاڭىربەرگەن، ع. مۇسىرەپوۆتىڭ «اقان سەرى-اقتوقتىسىندا» - اقان، س. مۇقانوۆتىڭ «شوقان ۋاليحانوۆىنداعى» - شوقان، ت. احتانوۆتىڭ «انتىندا» - ساۋران، م. اۋەزوۆتىڭ «ايمان-شولپانىندا» - الىبەك سىندى نەگىزگى رولدەردى سومدادى.
اكتەر كينو ونەرى سالاسىندا كورەرمەنگە «قىز جىبەك» فيلمىندەگى تولەگەن رولىمەن تانىلدى. وسى تۋىندى ارقىلى قازاق كينو ونەرىنىڭ جارىق جۇلدىزىنا اينالعان بولاتىن.
قۇمان تاستانبەكوۆ 2017 جىلى 72 جاسىندا قايتىس بولدى.
