28 aqpan – 2 naýryz aralyǵynda Almatydaǵy Shymbulaq taý-shańǵy kýrortynda frıstaıldan FIS Álem Kýbogynyń kezeńi ótti. Jarysqa álemniń 18-den astam elinen 100-den asa sportshy qatysty. Olımpıada chempıondary, álem chempıonattarynyń júldegerleri men úzdik sportshylar synǵa tústi.
Mogýl boıynsha fınaldyq kezeń qatty tumanǵa baılanysty ótpeı qaldy. Áıelder arasyndaǵy jeńimpazdar birinshi fınaldyń (F1) nátıjeleri boıynsha, al erler irikteý kezeńiniń kórsetkishteri negizinde anyqtaldy.
Erler:
Birinshi oryn - Mıkael Kıngsberı (Kanada), ekinshi oryn - Chon Deıýn (Ońtústik Koreıa), úshinshi oryn - Ikýma Horıshıma (Japonııa)
Áıelder arasynda birinshi oryn - Tess Djonson (AQSh), ekinshi oryn - Djeılın Kaýf (AQSh), úshinshi oryn - Rıno Ianagımoto (Japonııa)
Qazaqstandyq sportshylar arasynda Pavel Kolmakov – 5-oryn, Anastasııa Gorodko – 6-oryn, Iýlııa Galysheva – 7-oryn ıelendi.
«Parallel mogýl» jarystary
1 naýryzda ótken «parallel mogýl» jarysynda Qazaqstan quramasynyń múshesi Anastasııa Gorodko qola júldeger atandy.
Erler:
birinshi oryn - Mıkael Kıngsberı (Kanada), ekinshi oryn - Ikýma Horıshıma (Japonııa), úshinshi oryn - Mett Grem (Avstralııa)
Áıelder:
Birinshi oryn - Djeılın Kaýf (AQSh), ekinshi oryn - Rıno Ianagımoto (Japonııa), úshinshi oryn - Anastasııa Gorodko (Qazaqstan).
Iýlııa Galysheva 5-orynǵa, Pavel Kolmakov 10-orynǵa turaqtady.
Shańǵy akrobatıkasy boıynsha jarystar
2 naýryzda frıstaıldyń taǵy bir baǵyty – shańǵy akrobatıkasy boıynsha jarystar ótti.
Erler:
Birinshi oryn - Van Sındı (Qytaı), ekinshi oryn - Noe Rot (Shveıarııa), úshinshi oryn - ı Gýanpý (Qytaı)
Áıelder:
Birinshi oryn - Laýra Pıl (Avstralııa), ekinshi oryn - Sıýı Mentao (Qytaı), úshinshi oryn - Danıel Skott (Avstralııa).
Qazaqstandyq Aıana Joldas 9-orynǵa ıe bolyp, fınalǵa ótti.
Erler arasyndaǵy jarysta qazaqstandyq sportshylar fınalǵa shyǵa almady.
Qazaqstanda qysqy sport túrleri qarqyndy damýda
FIS ókilderi men sportshylar Shymbulaqtaǵy trassalardyń joǵary deńgeıde daıyndalǵanyn jáne jarystyń joǵary deńgeıde uıymdastyrylǵanyn atap ótti. Qazaqstan týrızmin damytýǵa oń yqpalyn tıgizetin mundaı jarystar sheteldik sportshylar men týrısterdi qyzyqtyrýda.
Bıyl Almatyda 6 Álem Kýbogy kezeńi, Álem chempıonaty, Jastar arasyndaǵy álem chempıonaty jáne Azııa Kýbogy ótedi.
Qazaqstan frıstaıldan halyqaralyq deńgeıdegi bedeldi alańǵa aınalyp keledi. Bul eldegi shańǵy sporty men sporttyq týrızmdi damytýǵa, jastar arasynda qysqy sport túrlerin nasıhattaýǵa úlken qadam bolmaq.
Kelesi FIS Álem Kýbogynyń fınaldyq kezeńderi 11-13 naýryzda Italııanyń Lıvıno qalasynda ótedi.
