«قازاقمىس» كورپوراتسياسى قايتىس بولعان كەنشىلەردىڭ ەكىنشى دەڭگەيلى بانكتەر مەن ميكروقارجى ۇيىمدارى الدىنداعى نەگىزگى قارىزدارىن وتەپ بەردى، دەپ حابارلايدى "ادىرنا" ۇلتتىق پورتالى.
بۇل ماقساتقا جالپى 90 ميلليون تەڭگە بولىنگەن. قالعان بەرەشەكتەرىن وتباسىلار ءوز بەتىنشە وتەۋى قاجەت.
بۇعان دەيىن كومپانيا مارقۇم كەنشىلەردىڭ وتباسىنا 10 جىلدىق جالاقى مولشەرىندە وتەماقى (84-142 ملن تەڭگە), جەرلەۋ راسىمىنە 550 اەك (2,2 ملن تەڭگە) جاردەماقى تولەگەن بولاتىن.
سونداي-اق، "KM Life" ساقتاندىرۋ كومپانياسى ءار وتباسىنا 100 اەك كولەمىندە جەرلەۋ شىعىنىن وتەدى.
كەنشىلەردىڭ بالالارى 23 جاسقا تولعانعا دەيىن اي سايىن 524 مىڭنان 921 مىڭ تەڭگەگە دەيىن ساقتاندىرۋ تولەمىن الادى. بۇل تولەمدەر جىل سايىن ينفلياتسياعا بايلانىستى يندەكستەلەدى.
قازىرگى ۋاقىتتا كەنشىلەردىڭ تۋىستارىن جۇمىسقا ورنالاستىرۋ جانە جوعارى وقۋ ورىندارىندا وقيتىن ستۋدەنت بالالارىنىڭ وقۋ اقىسىن تولەۋ ماسەلەسى قاراستىرىلۋدا.
