اقتاۋدا 11 جاستاعى بالا ىستىق سۋعا تولى كارىز قۇدىعىنا قۇلاپ كەتىپ، اۋىر جاراقات الدى، دەپ حابارلايدى "ادىرنا" ۇلتتىق پورتالى.
وقيعا كوپقاباتتى تۇرعىن ءۇيدىڭ اۋلاسىندا بولعان.
بالا اۋىر كۇيىك جاراقاتىن العان، دارىگەرلەر ونىڭ جاعدايىن اۋىر دەپ باعالاۋدا.
"2014 جىلى تۋعان ناۋقاس جامباس، سيراق جانە تابان بولىكتەرىنەن ءىى-ءىىى دارەجەلى كۇيىك العان. دەنەسىنىڭ 30%-ىن كۇيىك شالعان. قازىر ەسىن بىلەدى، جانساقتاۋ بولىمىندە ەم قابىلداپ جاتىر. تراۆماتولوگتارمەن بىرگە جاراقاتتاردى حيرۋرگيالىق وڭدەۋ جۇمىستارى جۇرگىزىلدى", – دەپ حابارلادى ماڭعىستاۋ وبلىستىق كوپسالالى بالالار اۋرۋحاناسىنىڭ ءباسپاسوز قىزمەتى.
پوليتسيا بۇل وقيعا بويىنشا قر قىلمىستىق كودەكسىنىڭ 278-بابى ("ساپاسىز قۇرىلىس") بويىنشا قىلمىستىق ءىس قوزعادى.
