ماڭعىستاۋ وبلىسىندا مۇناي مەن ەمدىك-مينەرالدى سۋ كەن ورىندارىن اشقان عالىم ولەگ گەرشتانسكي ومىردەن ءوتتى. قايعىلى حاباردى ەنەرگەتيكا مينيسترلىگى جەتكىزدى، دەپ حابارلايدى «ادىرنا» ءتىلشىسى.
«ەنەرگەتيكا مينيسترلىگىنىڭ باسشىلىعى مەن ۇجىمى قازاقستان رەسپۋبليكاسى مۇناي-گاز سالاسىنىڭ كورنەكتى قايراتكەرى، تەحنيكا عىلىمدارىنىڭ دوكتورى، ماڭعىستاۋ وبلىسىنداعى مۇناي جانە ەمدىك-مينەرالدى سۋ كەن ورىندارىن العاش اشقان ولەگ سەرگەەۆيچ گەرشتانسكيدىڭ مەزگىلسىز قايتىس بولۋىنا بايلانىستى تۋعان-تۋىستارى مەن جاقىندارىنا قايعىرىپ كوڭىل ايتادى. ولەگ گەرشتانسكيدىڭ بۇكىل عۇمىرى – رەسپۋبليكاعا، ءوز ىسىنە ادالدىق پەن سەنىمىنە دەگەن مىزعىماس بەرىكتىكتىڭ جارقىن ۇلگىسى. ولەگ سەرگەەۆيچ جارقىن عۇمىر كەشتى، ءاردايىم بەلسەندى ازاماتتىق ۇستانىمدا بولدى، ونى تەرەڭ ادامگەرشىلىك قاسيەتتەرى، جوعارى كاسىبيلىگى جانە ءوز ىسىنە دەگەن ادالدىعى ەرەكشەلەندىردى. ولەگ سەرگەەۆيچتىڭ جارقىن بەينەسى جۇرەگىمىزدە ماڭگى ساقتالادى، ال ونىڭ ەڭبەكتەرى بولاشاق ۇرپاقتىڭ جادىندا قالادى. ونىڭ وتباسى مەن جاقىندارىنا وسىنداي اۋىر قايعىعا بايلانىستى كوڭىل ايتامىز»،— دەلىنگەن كوڭىل ايتۋ جەدەلحاتىندا.
ولەگ گەرشتانسكي 1978 جىلدان باستاپ ءومىرىنىڭ سوڭىنا دەيىن مۇناي-گاز سالاسىندا ءتۇرلى لاۋازىمداردا ەڭبەك ەتىپ، قازاقستاننىڭ ەنەرگەتيكالىق سەكتورىنا ايتارلىقتاي ۇلەس قوسقان.
عالىم قازاقستان مۇنايشى-گەولوگتار قوعامىنىڭ مۇشەسى، ەنەرگەتيكا مينيسترلىگىنىڭ جانىنداعى كومىرسۋتەك كەن ورىندارىن بارلاۋ جانە يگەرۋ جونىندەگى ورتالىق كوميسسياسىنىڭ مۇشەسى، سونداي-اق «KAZENERGY» قاۋىمداستىعىنىڭ عىلىمي-تەحنيكالىق كەڭەسىنىڭ قۇرامىندا بولعان. ول 100-دەن استام عىلىمي ماقالانىڭ، 82 ونەرتابىستىڭ جانە 5 مونوگرافيانىڭ اۆتورى.
