اقش-تىڭ پرەزيدەنتى دونالد ترامپ اعىلشىن ءتىلىن ەلدىڭ رەسمي ءتىلى دەپ جاريالايتىن جارلىققا قول قويدى. بۇل تۋرالى The New York Times باسىلىمى جازدى دەپ حابارلايدى “ادىرنا” ۇلتتىق پورتالى.
جارلىق بيلل كلينتون اكىمشىلىگى كەزىندە قابىلدانعان.
مەملەكەتتىك مەكەمەلەر مەن فەدەرالدىق قارجىلاندىرۋ الۋشىلاردى اعىلشىن تىلىندە سويلەمەيتىن ادامدارعا تىلدىك قولداۋ كورسەتۋگە مىندەتتەيتىن ەرەجەنى جويادى. دەگەنمەن، جاڭا قۇجات ۆەدومستۆولارعا قۇجاتتار مەن قىزمەتتەردى باسقا تىلدەردە ۇسىنۋدى جالعاستىرۋعا مۇمكىندىك بەرەدى.
بۇل شەشىم اقش-تا ەكىتىلدى ءبىلىم بەرۋدى شەكتەۋدى جانە يمميگراتسيانى ازايتۋدى كوزدەيتىن “تەك اعىلشىن” قوزعالىسى ءۇشىن ۇلكەن جەڭىس رەتىندە باعالانىپ وتىر. قازىرگى ۋاقىتتا 30-دان استام شتات اعىلشىن ءتىلىن رەسمي ءتىل رەتىندە مويىنداعان.
اق ءۇيدىڭ مالىمدەمەسىندە بۇل قادام ەلدەگى بىرلىكتى نىعايتىپ، ۇكىمەت جۇمىسىن تيىمدىرەك ەتىپ، ازاماتتاردىڭ قوعامدىق ومىرگە ارالاسۋىن ارتتىراتىنى ايتىلعان.
اقش-تا حالىقتىڭ ۇشتەن ءتورت بولىگى ۇيىندە تەك اعىلشىن تىلىندە سويلەسە، ەلدە 42 ميلليون يسپان ءتىلدى جانە ءۇش ميلليون قىتاي ءتىلدى ادام بار.
ترامپ بۇعان دەيىن دە اقش-تا “تەك اعىلشىن” ساياساتىن قولدايتىنىن بىرنەشە رەت بىلدىرگەن. 2015 جىلى پرەزيدەنتتىككە ۇمىتكەر كەزىندە ول قارسىلاسى دجەب بۋشتىڭ كەيدە سۇراقتارعا يسپان تىلىندە جاۋاپ بەرۋىن سىنعا العان بولاتىن.
