راميل كامالوۆ توتەنشە جاعدايلار ۆيتسە-ءمينيسترى بولىپ تاعايىندالدى. بۇل تۋرالى بۇگىن، 24 اقپاندا پرەمەر-ءمينيستردىڭ ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
«قازاقستان رەسپۋبليكاسى ۇكىمەتىنىڭ 2025 جىلعى 21 اقپانداعى قاۋلىسىمەن بۇعان دەيىن قازاقستان رەسپۋبليكاسى توتەنشە جاعدايلار مينيسترلىگى ورتكە قارسى قىزمەت كوميتەتىنىڭ توراعاسى قىزمەتىن اتقارعان كامالوۆ راميل فاتقۇلۇلى قازاقستان رەسپۋبليكاسىنىڭ توتەنشە جاعدايلار جونىندەگى ۆيتسە-ءمينيسترى بولىپ تاعايىندالدى»،– دەلىنگەن حابارلامادا.
راميل كامالوۆ 1976 جىلى اقمولا وبلىسىندا دۇنيەگە كەلگەن. 1993 جىلدىڭ قىركۇيەگىنەن باستاپ ازاماتتىق قورعاۋ ورگاندارىندا قىزمەت ەتتى. ول مەملەكەتتىك ورتكە قارسى ينسپەكتورىنان ورتكە قارسى قىزمەت كوميتەتىنىڭ توراعاسىنا دەيىن ءوستى. سولتۇستىك قازاقستان وبلىسى توتەنشە جاعدايلار دەپارتامەنتىن باسقاردى.
2025 جىلدىڭ 18 قاڭتارىندا ەرلان نۇرپەيىسوۆتىڭ قازاقستان رەسپۋبليكاسى توتەنشە جاعدايلار ۆيتسە-ءمينيسترى قىزمەتىنەن بوساتىلعانى حابارلانعان بولاتىن.
