قازاق ەستراداسىنىڭ جارىق جۇلدىزى ماقپال ءجۇنىسوۆا مارقۇم كۇيەۋى زامانبەك نۇرقادىلوۆتىڭ ولەڭدەرىن جاريالادى، دەپ حابارلايدى "ادىران" ۇلتتىق پورتالى.
2005 جىلى جازعان سوڭعى ولەڭدەرىنەن ءۇزىندىنى Instagram پاراقشاسىندا جاريا ەتتى.
الەۋمەتتىك جەلىدە جاريالانعانداي زامانبەك نۇرقادىلوۆ "ماقپالعا", "ەلەگيا" ولەڭدەرىن جازعان.
ماقپالعا
سەنەسىڭ بە؟
ءبىر وزىڭنەن باسقا جاننان ءبىر جاقسىلىق كورمەپپىن.
دارىن قونعان اسىل جانعا ەركىندىكتى بەرمەپپىن...
"ماحاببات بار" - جەتەدى دەپ، قولدى كوپ جىل سەرمەپپىن...
مەن جولىڭدى اشا الماپپىن، جىبەك جىپپەن كەرمەپپى...
دىرىلدەگەن ءار ءانىڭدى مونشاق جاساپ تەرمەپپىن...
ەلەگيا
ءبارى ساتتى، جالعىز قالدىم
زاڭى سولاي ازدىقتىڭ،
ءىزسىز جاۋدان ءوستى تىكەن،
ۋ بوپ شىقتى قاستىقتىڭ.
بايقاماپپىن قىزعانىشتى،
زالىمدىقتى ەسكەرمەي،
قانپەزەرلەر بوي كوتەردى —
"جەمىسى" عوي جاستىقتىڭ.
قانپەزەرلەر گۇل جايناپ ءجۇر
"جەمىسىن" دەپ ماستىقتىڭ،
وق قاعارى جالعىز مەن ەم،
سوندا نەگە اسىقتىم؟
سول ادامنىڭ تاعىن قورعاپ
بەكەر توككەن تەرلەرىم،
بۇرشاق بولىپ قايتىپ جاتىر
ءزار بۇلتىنان پاسىقتىڭ.
جابا المايسىڭ اباقتىڭا،
بىلعاتپايمىن دەنەمدى،
جىبەرسەڭ دە شابۋىلعا
توپ-توپ بولعان كەنەڭدى.
ۇستامدىلىق، بار ءتوزىمدى
تەك جەڭىسكە ارناپ ەم،
السىزدىك دەپ ويلاماڭدار،
شەيىت كەتسەم مەن ەندى.
