جەلىدە ءوزىن ماقپال ءجۇنىسوۆا دەپ تانىستىرىپ جىلاپ وتىرىپ جاسالعان بەينە مالىمدەمە جۇرتتى شۋلاتتى. ونىڭ ايتۋىنشا، مەرەي زامانبەكقىزى تۋعان قىزى ەمەس، دەپ حابارلايدى "ادىرنا" پورتالى.
ۆيدەوداعى ادامنىڭ ماقپال ءجۇنىسوۆا ەكەندىگىنە حالىق كۇمانمەن قاراۋدا. ۆيدەوداعى كەيىپكەر شىندىقتى اشقانى ءۇشىن قىزى مەرەي ۇيىنەن كەتىپ قالعانىن ايتىپ وتىر.
"مەن سىزدەردى زامانبەك نۇرقادىلوۆ ءۇشىن وتىرىك الدادىم. كەشىرىڭىزدەر! مەرەي مەنىڭ قىزىم ەمەس! ول مەنىڭ تۋعان باۋىرىمنىڭ قىزى. مەن شىندىقتى ايتقانىم ءۇشىن قىزىم مەنەن كەتىپ قالدى. ءوزى ءبىلسىن! ءبىز زورلىقپەن العان جوقپىز قىزدى. ەكى بالامىز ءتۇسىپ قالعاننان كەيىن ولار وزدەرى بەرگەن. اسىراپ بەر دەپ. اسىرادى، زاكەڭ ءوزىنىڭ تەگىن بەردى. ەندى ول قىزدىڭ الدىندا مەن باسىمدى يمەيمىن. كەتسە كەتە بەرسىن! ءوزىنىڭ اكە-شەشەسى بار، تۋعان بەس باۋىرى بار! ولمەيدى، بارسىن! جىبەردىم، مەن شىندىعىمدى ايتتىم", — دەدى ول.
"ادىرنا" ۇلتتىق پورتالى
