Qazaq estradasynyŋ jaryq jūldyzy Maqpal Jünısova marqūm küieuı Zamanbek Nūrqadılovtıŋ öleŋderın jariialady, dep habarlaidy "Adyran" ūlttyq portaly.
2005 jyly jazǧan soŋǧy öleŋderınen üzındını Instagram paraqşasynda jariia ettı.
Äleumettık jelıde jariialanǧandai Zamanbek Nūrqadılov "Maqpalǧa", "Elegiia" öleŋderın jazǧan.
Maqpalǧa
Senesıŋ be?
Bır özıŋnen basqa jannan bır jaqsylyq körmeppın.
Daryn qonǧan asyl janǧa erkındıktı bermeppın...
"Mahabbat bar" - jetedı dep, qoldy köp jyl sermeppın...
Men jolyŋdy aşa almappyn, jıbek jıppen kermeppı...
Dırıldegen är änıŋdı monşaq jasap termeppın...
Elegiia
Bärı satty, jalǧyz qaldym
Zaŋy solai azdyqtyŋ,
Izsız jaudan östı tıken,
U bop şyqty qastyqtyŋ.
Baiqamappyn qyzǧanyşty,
Zalymdyqty eskermei,
Qanpezerler boi köterdı —
"Jemısı" ǧoi jastyqtyŋ.
Qanpezerler gül jainap jür
"Jemısın" dep mastyqtyŋ,
Oq qaǧary jalǧyz men em,
Sonda nege asyqtym?
Sol adamnyŋ taǧyn qorǧap
Beker tökken terlerım,
Būrşaq bolyp qaityp jatyr
Zär būltynan pasyqtyŋ.
Jaba almaisyŋ abaqtyŋa,
Bylǧatpaimyn denemdı,
Jıberseŋ de şabuylǧa
Top-top bolǧan keneŋdı.
Ūstamdylyq, bar tözımdı
Tek jeŋıske arnap em,
Älsızdık dep oilamaŋdar,
Şeiıt ketsem men endı.
Ūqsas jaŋalyqtar
