Qazaq estradasynyń jaryq juldyzy Maqpal Júnisova marqum kúıeýi Zamanbek Nurqadilovtiń óleńderin jarııalady, dep habarlaıdy "Adyran" ulttyq portaly.
2005 jyly jazǵan sońǵy óleńderinen úzindini Instagram paraqshasynda jarııa etti.
Áleýmettik jelide jarııalanǵandaı Zamanbek Nurqadilov "Maqpalǵa", "Elegııa" óleńderin jazǵan.
Maqpalǵa
Senesiń be?
Bir ózińnen basqa jannan bir jaqsylyq kórmeppin.
Daryn qonǵan asyl janǵa erkindikti bermeppin...
"Mahabbat bar" - jetedi dep, qoldy kóp jyl sermeppin...
Men jolyńdy asha almappyn, jibek jippen kermeppi...
Dirildegen ár ánińdi monshaq jasap termeppin...
Elegııa
Bári satty, jalǵyz qaldym
Zańy solaı azdyqtyń,
Izsiz jaýdan ósti tiken,
Ý bop shyqty qastyqtyń.
Baıqamappyn qyzǵanyshty,
Zalymdyqty eskermeı,
Qanpezerler boı kóterdi —
"Jemisi" ǵoı jastyqtyń.
Qanpezerler gúl jaınap júr
"Jemisin" dep mastyqtyń,
Oq qaǵary jalǵyz men em,
Sonda nege asyqtym?
Sol adamnyń taǵyn qorǵap
Beker tókken terlerim,
Burshaq bolyp qaıtyp jatyr
Zár bultynan pasyqtyń.
Jaba almaısyń abaqtyńa,
Bylǵatpaımyn denemdi,
Jiberseń de shabýylǵa
Top-top bolǵan keneńdi.
Ustamdylyq, bar tózimdi
Tek jeńiske arnap em,
Álsizdik dep oılamańdar,
Sheıit ketsem men endi.
