بەلگىلى قازاقستاندىق ءانشى ديماش قۇدايبەرگەن سىبايلاس جەمقورلىققا قارسى قىزمەتتىڭ توراعاسى اسحات جۇماعاليمەن كەزدەستى، دەپ حابارلايدى “ادىرنا” ۇلتتىق پورتالى.
كەزدەسۋ رەسمي سيپاتتا عانا ەمەس، ماڭىزدى تاقىرىپ اياسىندا ءوتتى. تاراپتار ونەردىڭ سىبايلاس جەمقورلىققا قارسى كۇرەستەگى ءرولى تۋرالى پىكىر الماسقانى حابارلاندى.
“ونەر ادامداردىڭ جۇرەگىنە اسەر ەتىپ، ادالدىق پەن پاراساتتىلىققا تاربيەلەۋگە كومەكتەسەدى”، – دەدى اسحات جۇماعالي.
ءوز كەزەگىندە ديماش قۇدايبەرگەن سىبايلاس جەمقورلىققا قارسى باستامالارعا قولداۋ ءبىلدىرىپ، ءاردايىم ادىلدىك پرينتسيپتەرىن ۇستاناتىنىن جەتكىزگەنى ايتىلدى.
سونىمەن قاتار، تاراپتار بولاشاقتا بىرلەسكەن جوبالار ۇيىمداستىرۋ مۇمكىندىگىن دە تالقىلادى.
بۇل باستاما قانداي فورماتتا جالعاساتىنى تۋرالى اقپارات جوق. بۇل الەۋمەتتىك جوبا بولۋى مۇمكىن. باق-تا جەمقورلىققا قارسى ماعىنالى جاڭا ءان جازىلۋى مۇمكىن دەگەن اقپارات تاراپ جاتىر.
