قازاقمىس ۇلىتاۋ وبلىسىنداعى 7 ادامنىڭ ولىمىنە قۇلاعان تاۋ جىنىستارىنىڭ سەبەپ بولماعانىن مالىمدەدى، دەپ حابارلايدى "ادىرنا" ۇلتتىق پورتالى.
قۇتقارۋشى بريگادانىڭ تاۋ جىنىستارىنىڭ قۇلاۋى تۋرالى ەشقانداي ايعاق تاپپاعانى انىقتالعان.
«ءبىز ۇكىمەتتىك كوميسسيامەن جانە تەرگەۋ ورگاندارىمەن تىعىز بايلانىستامىز. قاۋىپسىزدىك ستاندارتتارىنا تۇزەتۋلەر دە ەنگىزەمىز. سوڭعى 3 جىلدا ەڭبەكتى قورعاۋ ءۇشىن 87 ملرد تەڭگەدەن استام قارجى ءبولىندى، ال بيىل 38 ملرد تەڭگەنىڭ كولەمىندە قارجى جوسپارلانعان بولاتىن»، – دەپ مالىمدەدى قازاقمىستىڭ ءباسپاسوز قىزمەتى.كومپانيانىڭ مالىمەتىنشە، قايتىس بولعانداردىڭ دەنەسى جەزقازعان، ساتباەۆ، قاراعاندى جانە تۇركىستان وبلىسىندا جاقىندارىنا تابىستالدى. ولاردىڭ وتباسىنا قارجىلاي كومەكپەن قاتار، نەسيەلەرى مەن يپوتەكاسىن وتەۋ جوسپارلانىپ جاتىر.
ۇقساس جاڭالىقتار
