Qazaqmys Ulytaý oblysyndaǵy 7 adamnyń ólimine qulaǵan taý jynystarynyń sebep bolmaǵanyn málimdedi, dep habarlaıdy "Adyrna" ulttyq portaly.
Qutqarýshy brıgadanyń taý jynystarynyń qulaýy týraly eshqandaı aıǵaq tappaǵany anyqtalǵan.
«Biz úkimettik komıssııamen jáne tergeý organdarymen tyǵyz baılanystamyz. Qaýipsizdik standarttaryna túzetýler de engizemiz. Sońǵy 3 jylda eńbekti qorǵaý úshin 87 mlrd teńgeden astam qarjy bólindi, al bıyl 38 mlrd teńgeniń kóleminde qarjy josparlanǵan bolatyn», – dep málimdedi Qazaqmystyń baspasóz qyzmeti.
Kompanııanyń málimetinshe, qaıtys bolǵandardyń denesi Jezqazǵan, Sátbaev, Qaraǵandy jáne Túrkistan oblysynda jaqyndaryna tabystaldy. Olardyń otbasyna qarjylaı kómekpen qatar, nesıeleri men ıpotekasyn óteý josparlanyp jatyr.
