تالعار اۋدانىنا قاراستى قىزىلقايرات اۋىلىندا بەلگىسىز ادامدار كامەلەتكە تولماعان بالانى ۇرلاپ، ونىڭ وتباسىنان اقشا تالاپ ەتكەن، دەپ حابارلايدى "ادىرنا" ۇلتتىق پورتالى.
الماتى وبلىستىق پوليتسيا دەپارتامەنتىنىڭ مالىمەتىنشە، قىلمىستىق توپ وكىلدەرى 5 ميلليون تەڭگە سۇراپ، وتباسىن قورقىتقان.
«پوليتسياعا بالقاش اۋدانى ميالى اۋىلىنىڭ 42 جاستاعى تۇرعىنى ارىزداندى. ول بەلگىسىز ادامداردىڭ ۇلىن كۇشتەپ، كولىكپەن بەلگىسىز باعىتقا الىپ كەتكەنىن حابارلادى. كەيىننەن ولار بالانى ۇرىپ-سوعامىز دەپ قورقىتىپ، ينتەرنەتتە جەكە سيپاتتاعى ۆيدەونى تاراتاتىندارىن ايتىپ، اقشا تالاپ ەتكەن»، – دەپ مالىمدەدى پوليتسيا قىزمەتكەرلەرى.
قىلمىسكەرلەردى پوليتسيا 500 مىڭ تەڭگەنىڭ ءبىر بولىگىن بەرۋ كەزىندە قولعا ءتۇسىردى.
كۇدىكتىلەرگە قاتىستى بوپسالاۋ بابى بويىنشا قىلمىستىق ءىس قوزعالىپ، ولار ۋاقىتشا ۇستاۋ يزولياتورىنا قامالدى. قازىرگى تاڭدا تەرگەۋ امالدارى جالعاسۋدا.
