الماتىلىق فۋتبولشى داستان ساتباەۆتىڭ اعىلشىندىق "چەلسي" كلۋبىنا اۋىسقاننان كەيىن الاتىن جالاقىسى جاريالاندى، دەپ حابارلايدى "ادىرنا" ۇلتتىق پورتالى.
Sportarena.kz مالىمەتى بويىنشا، جاس شابۋىلشىعا اي سايىن 14 مىڭ فۋنت، شامامەن 9 ميلليون تەڭگە تولەنەتىن بولادى. الايدا، سپورتشى بۇل اقشانى بىردەن جۇمساي المايدى.
جالاقىنىڭ ۇلكەن بولىگى ونىڭ اتا-اناسىنا اۋدارىلادى. اتاپ ايتقاندا، 12 مىڭ فۋنت اتا-اناسىنىڭ ەسەپشوتىنا جىبەرىلەدى. ال قاراجات تەك داستان 22 جاسقا تولعان كەزدە اشىلادى.
ساتباەۆتىڭ "چەلسي" كلۋبىمەن بەس جىلدىق كەلىسىمشارتى بار. سونداي-اق تاعى ءبىر جىلعا ۇزارتۋ مۇمكىندىگى قاراستىرىلعان.
ايتا كەتەيىك، وتكەن اپتادا الماتىلىق "قايرات" كلۋبىنىڭ ويىنشىسى ەۋروپانىڭ تانىمال فۋتبول كلۋبىنا اۋىسقانى تۋرالى رەسمي اقپارات جاريالانعان بولاتىن.
