«Қайрат» командасының ойыншысы Дастан Сәтбаев Англияның «Челси» ұжымына ресми түрде ауысты, деп хабарлайды «Адырна» тілшісі.
«Алматылық «Қайрат» пен лондондық «Челси» 16 жастағы шабуылшының трансфері бойынша келісімге келді. Спортшы 2026 жылы жазда кәмелетке толған соң ағылшын клубына ресми түрде қосылады»,—деп жазды бүгін «Қайрат» футбол клубының баспасөз қызметі.
Айта кетейік, қазақстандық спортшы Алматыда дүниеге келген. Сегіз жасында «Қайрат» академиясына түсіп, дайындықтың барлық сатысынан өткен. Ол 2024 жылғы мамырда 15 жасында негізгі командада дебют жасап, «Қайрат» тарихындағы ең жас ойыншы атанды.
