استانا پروكۋراتۋراسى ايەلىن ۇردى دەپ ايىپتالعان بۇرىنعى ديپلومات ساكەن ماماشقا قاتىستى قىلمىستىق ءىستىڭ تەرگەۋ بارىسى تۋرالى حابارلادى، دەپ حابارلايدى “ادىرنا” ۇلتتىق پورتالى ماسساگەتكە سىلتەپ.
ەسىل اۋداندىق پوليتسيا باسقارماسى ونىڭ جۇبايى كارينا ماماشتىڭ ارىزى نەگىزىندە قر قىلمىستىق كودەكسىنىڭ 110-بابى 2-بولىگى 1-تارماعى (“كورىنەۋ كامەلەتكە تولماعان ادامعا نەمەسە كورىنەۋ دارمەنسىز جاعدايداعى ادامعا قاتىستى ازاپتاۋ”) بويىنشا سوتالدى تەرگەۋ جۇرگىزىپ جاتىر. دەگەنمەن پروكۋراتۋرا تەرگەۋ بارىسى تۋرالى تولىعىراق اقپارات بەرۋدەن باس تارتتى.
2024 جىلى كارينا ماماش “نەمولچي.kz” قورى ارقىلى 10 جىل بويى تۇرمىستىق زورلىق-زومبىلىق كورگەنىن مالىمدەگەن. ونىڭ كۇيەۋى ساكەن ماماش سول كەزدە ءباا-دەگى ەلشىلىكتىڭ كەڭەسشىسى قىزمەتىن اتقارعان. وقيعا قوعامدا ۇلكەن رەزونانس تۋدىرىپ، سىرتقى ىستەر مينيسترلىگى ونى قازاقستانعا شۇعىل شاقىرتىپ الدى.
2024 جىلدىڭ 28 ماۋسىمىندا استانانىڭ اكىمشىلىك قۇقىقبۇزۋشىلىق ىستەر جونىندەگى مامانداندىرىلعان اۋدانارالىق سوتى ساكەن ماماشتى دەنساۋلىققا قاساقانا جەڭىل زيان كەلتىرگەنى ءۇشىن كىنالى دەپ تانىپ، 15 تاۋلىككە اكىمشىلىك قاماۋعا الۋ تۋرالى شەشىم شىعاردى.
قازىرگى تاڭدا تەرگەۋ جالعاسۋدا.
