وزبەكستان اۋعان ۇشقىشتارى كابۋلدان ءمىنىپ قاشقان تىكۇشاقتاردىڭ ءبىر بولىگىن اقش-قا جىبەردى. بۇل شەشىم «تاليبان» قوعالىسى وكىلدەرى باسقارىپ وتىرعان اۋعانستان قورعانىس مينيسترلىگىنىڭ نارازىلىعىن تۋدىردى، دەپ حابارلايدى «ادىرنا» ءتىلشىسى.
مينيسترلىك مالىمدەمەسىندە تىكۇشاقتار اۋعانستاننىڭ مەنشىگى ەكەنى جانە ولاردى كەرى قايتارۋ كەرەكتىگى ايتىلعان.
«يسلام امىرلىگى بۇل جاعدايعا الاڭداۋشىلىق ءبىلدىرىپ وتىر، ويتكەنى تىكۇشاقتار اۋعانستانعا تيەسىلى. ولار بۇرىنعى شەنەۋنىكتەر ەلدەن قاشىپ بارا جاتقان كەزدە وزبەكستاننىڭ اۋە كەڭىستىگىنە ءوتىپ كەتكەن بولاتىن. بۇل تىكۇشاقتاردى اقش-قا بەرۋدى نەگىزسىز دەپ سانايمىز. ءبىز ءوز مۇددەلەرىمىزدى قورعاۋعا قۇقىلىمىز. كورشى ەلدەر دە اۋعان حالقىنىڭ قۇقىعىن قۇرمەتتەۋى ءتيىس»،—دەلىنگەن حابارلامادا.
تالىپتەر اقش-تى كەدەرگى جاساماۋعا، كەرىسىنشە، تەحنيكانى اۋعانستانعا قايتارۋعا كومەكتەسۋگە شاقىردى.
بۇعان دەيىن وزبەكستان اقش-قا جەتى Black Hawk تىكۇشاعىن جىبەرگەنى بەلگىلى بولعان ەدى. 2021 جىلعى تامىزدا ولارعا اۋعان ۇشقىشتارى ءمىنىپ، ەلدەن قاشقان بولاتىن.
