Özbekstan auǧan ūşqyştary Kabuldan mınıp qaşqan tıkūşaqtardyŋ bır bölıgın AQŞ-qa jıberdı. Būl şeşım «Taliban» qoǧalysy ökılderı basqaryp otyrǧan Auǧanstan qorǧanys ministrlıgınıŋ narazylyǧyn tudyrdy, dep habarlaidy «Adyrna» tılşısı.
Ministrlık mälımdemesınde tıkūşaqtar Auǧanstannyŋ menşıgı ekenı jäne olardy kerı qaitaru kerektıgı aitylǧan.
«İslam ämırlıgı būl jaǧdaiǧa alaŋdauşylyq bıldırıp otyr, öitkenı tıkūşaqtar Auǧanstanǧa tiesılı. Olar būrynǧy şeneunıkter elden qaşyp bara jatqan kezde Özbekstannyŋ äue keŋıstıgıne ötıp ketken bolatyn. Būl tıkūşaqtardy AQŞ-qa berudı negızsız dep sanaimyz. Bız öz müddelerımızdı qorǧauǧa qūqylymyz. Körşı elder de auǧan halqynyŋ qūqyǧyn qūrmetteuı tiıs»,—delıngen habarlamada.
Tälıpter AQŞ-ty kedergı jasamauǧa, kerısınşe, tehnikany Auǧanstanǧa qaitaruǧa kömektesuge şaqyrdy.
Būǧan deiın Özbekstan AQŞ-qa jetı Black Hawk tıkūşaǧyn jıbergenı belgılı bolǧan edı. 2021 jylǧy tamyzda olarǧa auǧan ūşqyştary mınıp, elden qaşqan bolatyn.
