ۇلتتىق ستاتيستيكا بيۋروسى قازاقستانداعى ورتاشا جانە مەديانالىق جالاقىنى ەسەپتەدى، دەپ حابارلايدى «ادىرنا» ءتىلشىسى.
رەسمي دەرەكتەرگە سۇيەنسەك، 2024 جىلعى IV توقساندا مەديانالىق جالاقى 308 717 تەڭگە، ال ورتاشا نومينالدى جالاقى 434 982 تەڭگە بولعان.
«2023 جىلعا قاراعاندا ءوسىم 10,5%، ناقتى ماندە – 1,8% وستى»،- دەلىنگەن حابارلامادا.
ورتاشا ايلىقتىڭ ەڭ كوپ ءوسىمى اقپارات جانە بايلانىس سالالارىندا – 32,8%-عا، اۋىل، ورمان جانە بالىق شارۋاشىلىعىندا 22,7%-عا، جىلجىمايتىن مۇلىكپەن جاسالاتىن وپەراتسيالاردا 20,3% تىركەلگەن. دەنساۋلىق ساقتاۋ جانە حالىققا الەۋمەتتىك قىزمەت كورسەتۋ 7,6%، ءبىلىم بەرۋ سالاسىندا ورتاشا ايلىق جالاقى 5% وسكەنى بايقالادى.
وڭىرلەر اراسىندا 2023 جىلعى ءتيىستى توقسانمەن سالىستىرعاندا 2024 جىلعى IV توقساندا ورتاشا ايلىق جالاقىنىڭ ەڭ كوپ ءوسىمى مىنا وڭىرلەردە تىركەلدى:
الماتى مەن شىمكەنتتە 13,6 پايىزعا، قاراعاندى وبلىسىندا 13,2 پايىزعا، سولتۇستىك قازاقستان وبلىسىندا 12,9 پايىزعا، اقتوبە وبلىسىندا 12,6 پايىزعا ءوستى.
ايتا كەتەيىك، بۇعان دەيىن قازاقستاندا بيۋدجەت قىزمەتكەرلەرىنىڭ جالاقىسىن كوتەرۋگە ءۇش جىلعا 32 ملرد تەڭگە ءبولۋ جوسپارلانعانى بەلگىلى بولعان ەدى.
