Ulttyq statıstıka bıýrosy Qazaqstandaǵy ortasha jáne medıanalyq jalaqyny eseptedi, dep habarlaıdy «Adyrna» tilshisi.
Resmı derekterge súıensek, 2024 jylǵy IV toqsanda medıanalyq jalaqy 308 717 teńge, al ortasha nomınaldy jalaqy 434 982 teńge bolǵan.
«2023 jylǵa qaraǵanda ósim 10,5%, naqty mánde – 1,8% ósti»,- delingen habarlamada.
Ortasha aılyqtyń eń kóp ósimi aqparat jáne baılanys salalarynda – 32,8%-ǵa, aýyl, orman jáne balyq sharýashylyǵynda 22,7%-ǵa, jyljymaıtyn múlikpen jasalatyn operaııalarda 20,3% tirkelgen. Densaýlyq saqtaý jáne halyqqa áleýmettik qyzmet kórsetý 7,6%, bilim berý salasynda ortasha aılyq jalaqy 5% óskeni baıqalady.
Óńirler arasynda 2023 jylǵy tıisti toqsanmen salystyrǵanda 2024 jylǵy IV toqsanda ortasha aılyq jalaqynyń eń kóp ósimi myna óńirlerde tirkeldi:
Almaty men Shymkentte 13,6 paıyzǵa, Qaraǵandy oblysynda 13,2 paıyzǵa, Soltústik Qazaqstan oblysynda 12,9 paıyzǵa, Aqtóbe oblysynda 12,6 paıyzǵa ósti.
Aıta keteıik, buǵan deıin Qazaqstanda bıýdjet qyzmetkerleriniń jalaqysyn kóterýge úsh jylǵa 32 mlrd teńge bólý josparlanǵany belgili bolǵan edi.
