پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين قازاقستان ۇكىمەتىنە مەملەكەتتىك بيۋدجەتتى وڭتايلاندىرۋدا يلون ماسكتىڭ يدەياسىنا ۇقساس ۇسىنىستىڭ ايتىلعانىن مالىمدەدى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
ءمينيستردىڭ ايتۋىنشا، بۇل ۇسىنىس ترامپ اكىمشىلىگىنىڭ تاجىريبەسىنە سۇيەنە وتىرىپ جاسالعان.
"ماعان پرەزيدەنت ترامپ اكىمشىلىگىندە يلون ماسك مىرزا جۇرگىزىپ جاتقان جۇمىس سياقتى يدەيا ۇسىنىلعانىن جاسىرمايمىن. ول جاقتا مەملەكەتتىك باسقارۋ تيىمدىلىگى دەپارتامەنتى بار. [قازاقستان ازاماتى] ءوز قىزمەتىن ۇسىندى، يدەيالارى بارىن ايتتى. مەن ونى شاقىردىم، "كەل، بىرگە جۇمىس ىستەيىك، جۇمىس توبىن قۇرايىق" دەپ ايتتىم”، – دەدى جۇمانعارين بەيسەنبى كۇنى سەناتتىڭ كۋلۋارىندا.
سونىمەن قاتار، مينيستر جاڭا سالىق كودەكسىنە سايكەس، ءىرى بيزنەسكە ارنالعان جەڭىلدىكتەردىڭ قىسقارتىلاتىنىن اتاپ ءوتتى.
2025 جىلعى رەسپۋبليكالىق بيۋدجەت باستاپقىدا 32 تريلليون تەڭگە كولەمىندە جوسپارلانعان، بىراق قازىرگى ۋاقىتتا 25,7 تريلليون تەڭگەگە دەيىن قىسقارتىلعان.
"بيۋدجەتتى بەكىتۋ بارىسىندا 6 تريلليون تەڭگە قىسقارتىلدى. اكىمشىلىك بيۋدجەتتىك باعدارلامالار ارقىلى 400 ميلليارد تەڭگە ۇنەمدەلدى. قازىر ءبىز الەۋمەتتىك شىعىنداردى مۇقيات تالداۋدامىز، سەبەبى رەسپۋبليكالىق بيۋدجەت بويىنشا ونىڭ ۇلەسى – 37,5%، ال جالپى بيۋدجەتتە 50%-عا جەتەدى", – دەپ ءتۇسىندىردى جۇمانعارين.
