نۇرسۇلتان نازارباەۆقا تيەسىلى الماتىداعى «الاتاۋ» ءساناتوريىن 50 ملن دوللارعا ساتتى، دەپ حابارلايدى "ادىرنا" ۇلتتىق پورتالى.
«ۆىحود ك موريۋ» telegram-ارناسىندا تاراعان اقپاراتقا سايكەس، ەكس-پرەزيدەنتكە تيەسىلى اكتيۆتى نيدەرلاندتىڭ Noord Holland Trading Company B.V. كومپانياسى ساتىپ العان. ساناتوري 174 ملن دوللارعا باعالانعان، الايدا نارىقتاعى ءادىل باعاسىنىڭ ۇشتەن بىرىنە ساتىلعان. بۇل كەلىسىم نيدەرلاند كومپانياسىنا ۇزاق مەرزىمدى شىعىنداردان قۇتىلۋعا جانە اكتيۆتى قۇپيالىلىعى جوعارى يۋريسديكتسياعا كوشىرۋگە مۇمكىندىك بەردى.
1986 جىلى كەڭەستىك پارتيا قىزمەتكەرلەرى ءۇشىن سالىنعان «الاتاۋ» ءساناتوريى 90-جىلداردىڭ ورتاسىندا شارۋاشىلىق باسقارماداعى مەملەكەتتىك كورپوراتسيانىڭ باقىلاۋىنا ءوتتى. نازارباەۆتىڭ دوسى ءارى جاقىن سەرىگى ۆلاديمير ءنيدىڭ تۋىستارى بۇل اكتيۆتەردى جەكەشەلەندىردى.
"نازارباەۆتىڭ اكتيۆتەرىن Noord Holland بالانسىنا كوشىرۋ — بۇل تەك قانا «نازارباەۆتار كلانىنىڭ» مۇددەسى ءۇشىن جاسالعان قورعانىس مانەۆرى بولۋى مۇمكىن. نيدەرلاندتىق قۇرىلىم تەك وسى اتالعان اكتيۆتەردى عانا ەمەس، سونىمەن قاتار بىرنەشە بالالار باقشاسىن، دەنساۋلىق لاگەرىن، الماتىداعى «دوستىق» قوناق ءۇيىن، «ەۆرازيا-ستروي» قۇرىلىس كومپانياسىن، پاۆلودارداعى «يربيس» تەلارناسىن (ريا «ارنا» جشس) جانە باسقا وبەكتىلەردى دە باقىلاۋىنا الدى", - دەلىنگەن حابارلامادا.
Noord Holland كومپانياسىنىڭ ديرەكتورى — نازارباەۆپەن بايلانىسى بار، نيدەرلاندى مەن رەسەي ازاماتتىعىن العان اننا بەرەزينا ەكەنى انىقتالعان. Telegram-ارنا مالىمەتىنشە، بەرەزينا ۆلاديمير كيم مەن ەدۋارد وگايدىڭ قازاقستانداعى ميللياردتىق اكتيۆتەرىن ءوز اتىنا جازعان.
