رەسەي اقتاۋ ماڭىندا اپاتقا ۇشىراعان AZAL ۇشاعىنىڭ اپاتىن تەرگەۋ بويىنشا الدىن الا ەسەپكە تۇسىنىكتەمە بەرۋدەن باس تارتتى. رەسەي پرەزيدەنتىنىڭ ءباسپاسوز حاتشىسى دميتري پەسكوۆ بۇل ماسەلەگە قاتىستى رەسەي پرەزيدەنتى اكىمشىلىگىنىڭ تۇسىنىكتەمە بەرە المايتىنىن مالىمدەدى، دەپ حابارلايدى "ادىرنا" ۇلتتىق پورتالى.
«بۇل الدىن الا ەسەپ. ارينە، ءبىزدىڭ ءتيىستى ۆەدومستۆولار ونى مۇقيات زەرتتەيتىن بولادى. الايدا، پرەزيدەنت اكىمشىلىگى بۇل تاقىرىپقا تۇسىنىكتەمە بەرە المايدى»، – دەپ اتاپ ءوتتى پەسكوۆ.
كرەمل بۇل ماسەلە بويىنشا جاۋاپ بەرمەسە دە، روساۆياتسيا الدىن الا ەسەپتىڭ راستالعانىن مالىمدەدى.
روساۆياتسيا مالىمەتىنشە، ۇشاقتىڭ سىرتقى اسەرلەردەن زاقىمدانعانى راستالعان. بىراق قازاقستان تاراپىنان ۇشاق ىشىندەگى ناقتى قانداي بوگدە زاتتاردىڭ انىقتالعانى تۋرالى اقپارات جوق. سونىمەن قاتار، ەكيپاج رەسەيلىك ديسپەتچەرلەر ۇسىنعان بالاما اەرودرومداردى پايدالانباعان، ال ۇشاققا قۇس كىرىپ، وتتەگى باللونىنىڭ جارىلۋى تۋرالى اقپارات Embraer كومپانياسىنان كەلىپ تۇسكەن.
