"Rosaviasiia" älı qūstarǧa senıp jür. Kreml tüsınık beruden bas tartty

Resei Aqtau maŋynda apatqa ūşyraǧan AZAL ūşaǧynyŋ apatyn tergeu boiynşa aldyn ala esepke tüsınıkteme beruden bas tartty. Resei prezidentınıŋ baspasöz hatşysy Dmitrii Peskov būl mäselege qatysty Resei prezidentı äkımşılıgınıŋ tüsınıkteme bere almaitynyn mälımdedı, dep habarlaidy "Adyrna" ūlttyq portaly. «Būl aldyn ala esep. Ärine, bızdıŋ tiıstı vedomstvolar ony mūqiiat zertteitın bolady. Alaida, prezident äkımşılıgı būl taqyrypqa tüsınıkteme bere almaidy», – dep atap öttı Peskov. Kreml būl mäsele boiynşa jauap bermese de, Rosaviasiia aldyn ala eseptıŋ rastalǧanyn mälımdedı. Rosaviasiia mälımetınşe, ūşaqtyŋ syrtqy äserlerden zaqymdanǧany rastalǧan. Bıraq Qazaqstan tarapynan ūşaq ışındegı naqty qandai bögde zattardyŋ anyqtalǧany turaly aqparat joq. Sonymen qatar, ekipaj reseilık dispetcherler ūsynǧan balama aerodromdardy paidalanbaǧan, al ūşaqqa qūs kırıp, ottegı ballonynyŋ jaryluy turaly aqparat Embraer kompaniiasynan kelıp tüsken.