الماتىدا تانىمال ءانشى الماس كىشكەنباەۆتىڭ 3 اقپاندا ءوتۋى ءتيىس سوتى باسقا كۇنگە اۋىستىرىلدى، دەپ حابارلايدى «ادىرنا» ءتىلشىسى.
بۇعان دەيىن Kozachkov تەلەگرام ارناسىندا ونەر يەسىنىڭ 17 جاستاعى كۋرەرگە تيىسكەنى تۋرالى اقپارات شىققان ەدى. بالانىڭ اكەسى پوليتسياعا ارىز جازعان. 31 قاڭتاردا الماتى قالاسىنىڭ ارنايى اۋدانارالىق اكىمشىلىك سوتى قر اقبتك-ءنىڭ 434-بابى 1-بولىمىنە («قوعامدىق ورىنداردا ءتارتىپ بۇزۋ») سايكەس ءىس قوزعاعانى انىقتالدى.
«سوت پروتسەسى كەيىنگە قالدىرىلدى، جابىق رەجيمدە وتۋىنە بايلانىستى ونىڭ سەبەبى بەيمالىم»،- دەپ ءتۇسىندىردى الماتى قالالىق سوتىنىڭ ءباسپاسوز قىزمەتى.
