پەتروپاۆلدا ەر ادام قۇدىققا قۇلاپ كەتكەن ءيتتى قۇتقارۋعا تىرىسىپ، ءوزى تەرەڭگە ءتۇسىپ كەتكەن. بۇل تۋرالى 2 اقپاندا توتەنشە جاعدايلار مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«ەر ادام جانۋاردى ءوز بەتىنشە الىپ شىقپاق بولعان. الايدا ءوزى سۋىق سۋعا تولى تەرەڭ ۇڭعىمادان شىعا الماي قالعان. دوستارىنىڭ شاقىرتۋى بويىنشا كەلىپ جەتكەن جەدەل-قۇتقارۋ جاساعىنىڭ قىزمەتكەرلەرى الپينيستىك جابدىقتىڭ كومەگىمەن ەر ادامدى تۇزاقتان شىعاردى. وعان مەديتسينالىق كومەك قاجەت بولمادى»،—دەلىنگەن حابارلامادا.
