اقمولا وبلىسىندا «تازا قازاقستان» ەكولوگيالىق اكتسياسىنىڭ قورىتىندىسى شىعارىلدى

1366
Adyrna.kz Telegram

مەملەكەت باسشىسىنىڭ تاپسىرماسىمەن قولعا الىنعان رەسپۋبليكالىق «تازا قازاقستان» ەكولوگيالىق اكتسياسىنىڭ جۇزەگە اسىرىلا باستاعانىنا بيىل ءبىر جىل بولادى. تۇرعىن ۇيلەردى تازالاۋ جانە اباتتاندىرۋعا باعىتتالعان اكتسيا اۋقىمدى قوعامدىق قوزعالىسقا اينالىپ، ازاماتتاردى، بيزنەستى جانە مەملەكەتتىك ورگانداردى بىرىكتىردى. اكتسيانىڭ قورىتىندىcى تۋرالى اقمولا وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ ورىنباسارى مارات ءجۇنىسوۆ پەن تابيعي رەسۋرستار جانە تابيعات پايدالانۋ باسقارماسىنىڭ ورىنباسارى ايتجان قۇسماناۆا بريفينگ بارىسىندا باياندادى، دەپ حابارلايدى وڭىرلىك كوممۋنيكاتسيالار قىزمەتىنەن.

اقمولا وبلىسىندا ەكولوگيالىق اكتسيا اياسىندا 2024-2029 جىلدارعا ارنالعان ءىس-قيمىل جوسپارى ازىرلەندى. اكتسيا باستالعاننان بەرى 280 مىڭنان استام ادام قاتىسىپ، 5 مىڭنان استام كاسىپورىن قولداۋ كورسەتتى. بىرلەسكەن كۇش-جىگەرمەن وتكەن جىلى 74 مىڭنان استام اۋلا اۋماعى تازارتىلىپ، 758 ساياباق پەن الاڭ اباتتاندىرىلدى، 403 ستيحيالىق قوقىس ورنى جويىلدى.

جالپى 51 مىڭ توننادان استام قوقىس شىعارىلدى. الەۋمەتتىك ماڭىزى بار جۇمىستاردىڭ ءبىرى رەتىندە ەلدى مەكەندەردى كوگالداندىرۋ اتالدى: وتكەن جىلى 115 مىڭعا جۋىق اعاش پەن بۇتا كوشەتتەرى وتىرعىزىلدى.

«اكتسيانى حالىققا قولجەتىمدى ەتۋ ءۇشىن بىرقاتار شارالار قابىلداندى، سونىڭ ىشىندە «تازا قازاقستان» اقپاراتتىق پلاتفورماسى ەنگىزىلدى. بۇل پلاتفورما ارقىلى تۇرعىندار سانيتارلىق تازالىق، كوگالداندىرۋ جانە اباتتاندىرۋ ماسەلەلەرى بويىنشا وتىنىشتەرىن جىبەرە الادى. پلاتفورما ىسكە قوسىلعاننان بەرى 173 ءوتىنىش ءتۇستى، ونىڭ 157-ءسى جەدەل تۇردە ورىندالدى. قىس مەزگىلىندە پلاتفورمانىڭ مۇمكىندىكتەرى كەڭەيتىلىپ، قاردى تازالاۋ، مۇزدى جويۋ جانە تۇز سەبۋ جۇمىستارىن ۇيىمداستىرۋ ماسەلەلەرى قوسىلدى»، – دەپ اتاپ ءوتتى اقمولا وبلىسىنىڭ ەنەرگەتيكا جانە ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ ورىنباسارى مارات ءجۇنىسوۆ.

ارشالى اۋدانىندا 6 مىڭ اعاش، اتباسار اۋدانىندا 680 اعاش، ەگىندىكول اۋدانىندا 40 اعاش وتىرعىزىلدى. تەك 5 قازاندا وبلىس اۋماعىندا 3 مىڭنان استام كوشەت وتىرعىزىلدى. 17 قازاندا اقمولا وبلىسىنىڭ اكىمى قاتىسۋىمەن كوكشەتاۋ قالاسىنداعى قوپا كولىنىڭ جاعالاۋىندا 1,5 مىڭ اعاش وتىرعىزۋ اكتسياسى ءوتتى.

جالپى، وبلىستا سوڭعى 4 جىلدا 56 ميلليوننان استام اعاش وتىرعىزىلدى. بيىل 14 ميلليون اعاش وتىرعىزۋ جوسپارلانعان. ال الداعى ءۇش جىلدا 95 ميلليون اعاش وتىرعىزۋ كوزدەلىپ وتىر.

Реклама
  • ИП Попов А.П.
  • ИНН: 602715631406
Пьяные что ли? Пугачева с мужем шокировали своим развратом
Реклама
  • ИП Попов А.П.
  • ИНН: 602715631406
Девушка из г Колумбус опозорилась на всю Беларусь! Видео ошеломит
Реклама
  • ИП Попов А.П.
  • ИНН: 602715631406
Позвали Таню, и жены начали уводить мужей. Не стесняется стыдобы
پىكىرلەر