Memleket basşysynyŋ tapsyrmasymen qolǧa alynǧan respublikalyq «Taza Qazaqstan» ekologiialyq aksiiasynyŋ jüzege asyryla bastaǧanyna biyl bır jyl bolady. Tūrǧyn üilerdı tazalau jäne abattandyruǧa baǧyttalǧan aksiia auqymdy qoǧamdyq qozǧalysqa ainalyp, azamattardy, biznestı jäne memlekettık organdardy bırıktırdı. Aksiianyŋ qorytyndycy turaly Aqmola oblysynyŋ energetika jäne tūrǧyn üi-kommunaldyq şaruaşylyǧy basqarmasynyŋ orynbasary Marat Jünısov pen tabiǧi resurstar jäne tabiǧat paidalanu basqarmasynyŋ orynbasary Aitjan Qūsmanava brifing barysynda baiandady, dep habarlaidy Öŋırlık kommunikasiialar qyzmetınen.
Aqmola oblysynda ekologiialyq aksiia aiasynda 2024-2029 jyldarǧa arnalǧan ıs-qimyl jospary äzırlendı. Aksiia bastalǧannan berı 280 myŋnan astam adam qatysyp, 5 myŋnan astam käsıporyn qoldau körsettı. Bırlesken küş-jıgermen ötken jyly 74 myŋnan astam aula aumaǧy tazartylyp, 758 saiabaq pen alaŋ abattandyryldy, 403 stihiialyq qoqys orny joiyldy.
Jalpy 51 myŋ tonnadan astam qoqys şyǧaryldy. Äleumettık maŋyzy bar jūmystardyŋ bırı retınde eldı mekenderdı kögaldandyru ataldy: ötken jyly 115 myŋǧa juyq aǧaş pen būta köşetterı otyrǧyzyldy.
«Aksiiany halyqqa qoljetımdı etu üşın bırqatar şaralar qabyldandy, sonyŋ ışınde «Taza Qazaqstan» aqparattyq platformasy engızıldı. Būl platforma arqyly tūrǧyndar sanitarlyq tazalyq, kögaldandyru jäne abattandyru mäselelerı boiynşa ötınışterın jıbere alady. Platforma ıske qosylǧannan berı 173 ötınış tüstı, onyŋ 157-sı jedel türde oryndaldy. Qys mezgılınde platformanyŋ mümkındıkterı keŋeitılıp, qardy tazalau, mūzdy joiu jäne tūz sebu jūmystaryn ūiymdastyru mäselelerı qosyldy», – dep atap öttı Aqmola oblysynyŋ energetika jäne energetika jäne tūrǧyn üi-kommunaldyq şaruaşylyǧy basqarmasynyŋ orynbasary Marat Jünısov.Arşaly audanynda 6 myŋ aǧaş, Atbasar audanynda 680 aǧaş, Egındıköl audanynda 40 aǧaş otyrǧyzyldy. Tek 5 qazanda oblys aumaǧynda 3 myŋnan astam köşet otyrǧyzyldy. 17 qazanda Aqmola oblysynyŋ äkımı qatysuymen Kökşetau qalasyndaǧy Qopa kölınıŋ jaǧalauynda 1,5 myŋ aǧaş otyrǧyzu aksiiasy öttı. Jalpy, oblysta soŋǧy 4 jylda 56 millionnan astam aǧaş otyrǧyzyldy. Biyl 14 million aǧaş otyrǧyzu josparlanǧan. Al aldaǧy üş jylda 95 million aǧaş otyrǧyzu közdelıp otyr.
