فۋتبولدان قازاقستان ۇلتتىق قۇراماسىنىڭ باس باپكەرى ستانيسلاۆ چەرچەسوۆ قىزمەتىنەن كەتتى. بۇل تۋرالى بۇگىن، 27 قاڭتاردا قازاقستان فۋتبول فەدەراتسياسىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
ەڭبەك شارتى ەكى جاقتىڭ ءوزارا كەلىسىمى بويىنشا توقتاتىلعان.
«قازاقستان فۋتبول فەدەراتسياسى ستانيسلاۆ سالامۇلى مەن ونىڭ شتابىنا اتقارعان جۇمىسى ءۇشىن العىس ايتىپ، مانسابىنا تابىس تىلەيدى! فۋتبولدان ۇلتتىق قۇرامانىڭ باس باپكەرى قىزمەتىنە ۇمىتكەرلەر ءتىزىمى قاراستىرىلىپ جاتىر»،—دەلىنگەن حابارلامادا.
ستانيسلاۆ چەرچەسوۆ قازاقستان قۇراماسىنىڭ تىزگىنىن 2024 جىلدىڭ ماۋسىمىندا ۇستاعان ەدى. ونىڭ جەتەكشىلىگىمەن ۇلتتىق قۇراما ۋەفا ۇلتتار ليگاسىندا 6 ماتچ وتكىزىپ، نورۆەگيا قۇراماسىمەن تەڭ ويناپ، 1 ۇپاي جينادى. سونداي-اق قازاقستان قۇراماسىنان جاتتىقتىرۋشىلار شتابى تولىق قۇراممەن كەتتى.
