تۇركيادا جەر سىلكىنىسىنەن زارداپ شەككەندەردىڭ بارىنە پاتەر بەرىلمەك

تۇركيادا 2023 جىلعى جويقىن جەر سىلكىنىسىنەن زارداپ شەككەندەردىڭ بارىنە پاتەر بەرىلەدى، دەپ حابارلايدى "ادىرنا" ۇلتتىق پورتالى 24.kz-كە سىلتەمە جاساپ.  بۇل تۋرالى پرەزيدەنت رەجەپ تايىپ ەردوعان مالىمدەدى. ونىڭ ايتۋىنشا، اتالعان ازاماتتار باسپانانى جىل سوڭىنا دەيىن الۋى ءتيىس. سوڭعى ەكى جىلدا 200 مىڭنان استام ءۇي سالىنعان. الداعى 10 ايدا تاعى 252 مىڭ تۇرعىن ءۇي كەشەنى قولدانىسقا بەرىلمەك. "قازىرگە دەيىن 11 پروۆينتسيادا اپاتتان زارداپ شەككەن ادامداردىڭ بارىنە 201 مىڭ 431 پاتەر كىلتى تابىستالدى. جالپى بيىل جىل سوڭىنا دەيىن ءزىلزالا بولعان ايماقتاردىڭ تۇرعىندارىنا 452 983 ءۇي بەرمەكپىز. ءبىز قالالارىمىزدى بۇرىنعىدان دا ءتوزىمدى ءارى قاۋىپسىز ەتپەيىنشە تىنىمسىز جۇمىس ىستەي بەرەمىز" -دەدى تۇركيا پرەزيدەنتى. 2023 جىلى اقپان ايىندا قاھرامانماراشتا بولعان ءزىلزالادان 53 مىڭنان اسا ادام كوز جۇمىپ، 107 مىڭ كىسى جارالاندى. 11 پروۆينتسيادا جۇزدەگەن ەلدىمەكەن جەرمەن جەكسەن بولدى.