قايسار جۇمابايۇلى قازاقستان رەسپۋبليكاسى پرەزيدەنتى اكىمشىلىگىنىڭ كوممۋنيكاتسيالار ءبولىمى مەڭگەرۋشىسىنىڭ ورىنباسارى بولىپ تاعايىندالدى، دەپ حابارلايدى “ادىرنا” ۇلتتىق پورتالى.
قايسار جۇمابايۇلى — باق جانە PR سالاسىندا مول تاجىريبەسى بار.
ول الماتى قالالىق «ستوليچنوە وبوزرەنيە» گازەتىندە جۇمىس ىستەگەن. “شاھار” تەلەراديو كەشەنىندە قىزمەت اتقارعان.
“قازاقستان” رترك جانە “حابار” اگەنتتىگىندە ەڭبەك ەتكەن. TSC-group ينۆەستيتسيالىق-ونەركاسىپتىك كورپوراتسياسىنىڭ قوعاممەن بايلانىس دەپارتامەنتىندە جۇمىس ىستەگەن.
سونىمەن قاتار، ول يندۋستريا مينيسترلىگىنىڭ ءباسپاسوز حاتشىسى، استانا اكىمىنىڭ كەڭەسشىسى جانە “ەلوردا اqparat” مەديا-رەسۋرسىنىڭ باسشىسى قىزمەتتەرىن اتقاردى.
ول پرەزيدەنت اكىمشىلىگىنىڭ تالداۋ جانە بولجامداۋ ورتالىعى مەڭگەرۋشىسىنىڭ ورىنباسارى، تۇڭعىش پرەزيدەنت قورىنىڭ ستراتەگيالىق كوممۋنيكاتسيالار ورتالىعىنىڭ جەتەكشىسى، سونداي-اق “قازاقستان تەمىر جولى” ۇلتتىق كومپانياسىنىڭ باق-پەن جۇمىس جونىندەگى دەپارتامەنتىنىڭ ديرەكتورى لاۋازىمدارىندا قىزمەت ەتتى.
