كاسىپقوي بوكسشى گەننادي گولوۆكين قازاقستانعا كەلىپ، قىزمەتكە تاعايىندالدى، دەپ حابارلايدى "ادىرنا" ءتىلشىسى.
قازاقستاندىق سپورتشى قازاقستان رەسپۋبليكاسىنىڭ ۇلتتىق وليمپيادالىق كوميتەتىنىڭ باسشىسى بولىپ سايلاندى.
بۇگىن، 26 اقپان كۇنى قازاقستان رەسپۋبليكاسى ۇلتتىق وليمپيادا كوميتەتىنىڭ كەزەكتەن تىس باس اسسامبلەياسى وتكەن بولاتىن. جيىن بارىسىندا ۇوك باسقارۋشىسى بولىپ گەننادي گولوۆكين تاڭدالدى.
فەدەراتسيالار ۇوك پرەزيدەنتى لاۋازىمىنا گەننادي گەنناديەۆيچ گولوۆكيننىڭ كانديداتۋراسىن ۇسىندى، - دەلىنگەن كوميتەتتىڭ ۇوك باس اسسامبلەياسىنىڭ مۇشەلەرىنە جولداعان رەسمي حاتىندا.
ەسكە سالا كەتەيىك، اتالمىش قىزمەتتى 2015 جىلدان بەرى "فوربس" تىزىمىندەگى ەلدەگى الپاۋىتتاردىڭ ءبىرى، ەكس-پرەزيدەنت نۇرسۇلتان نازارباەۆتىڭ ورتانشى كۇيەۋ بالاسى تيمۋر قۇلىباەۆ اتقارىپ كەلگەن ەدى.
