Qazaqstan Jazýshylar odaǵynyń Astana qalalyq fılıalyna jańa basshy taǵaıyndaldy. Belgili aqyn Baýyrjan Babajanuly fılıal tóraǵasy qyzmetine kiristi, dep habarlaıdy "Adyrna" ulttyq portaly.
Jańa basshyny elordalyq aqyn-jazýshylarǵa Jazýshylar odaǵynyń (JO) basqarma tóraǵasy Mereke Qulkenov resmı túrde tanystyrdy.
"Bul qyzmetke taǵaıyndaýdy Odaq Tóraǵasy ózi usynyp, Basqarma Hatshylyǵy bekitetindigin aıtty. Sonymen qatar, Baýyrjan Babajanulynyń dırektorlyq jáne hatshylyq kýálikteri jaqyn arada tabystalatynyn tilge tıek etti.
Sodan keıin Mereke Qulkenov Jazýshylar odaǵynyń Astana qalalyq fılıalynyń dırektory Baýyrjan Babajanulyna Senim hatyn tabystap, Astana qalasyndaǵy Jazýshylar odaǵynyń burynǵy ókili Dáýletkereı Kápulyna atqarǵan jumystaryna alǵys bildirip, jańa qyzmetine tabys tiledi", - delingen Jazýshylar odaǵy taratqan málimette.
Sondaı-aq, shara barysynda odaq tóraǵasy astanalyq tanymal jazýshylar Mádı Aıymbetov, Asqar Altaı jáne Ádilbek Ybyraıymdy "Qazaqstannyń qurmetti jazýshysy" medalimen marapattady.
Aıta keteıik, qazirgi tańda Qazaqstan Jazýshylar odaǵynyń quramynda 1030-dan astam múshe bar. Onyń ishinde 180-nen astamy elordada turady.
