Air Astana اۋە كومپانياسى ورال تۇرعىنى جازيرا مۋسينانىڭ قىزىن استانا اۋەجايىندا قالدىرىپ كەتكەن، دەپ حابارلايدى "ادىرنا" ۇلتتىق پورتالى.
جازيرا مۋسينا سوت شەشىمى بويىنشا شىعىنداردى قوسقاندا اۋە كومپانيادان 5 ملن تەڭگە العان.
"Air Astana سوت شەشىمىن ماجبۇرلەپ ورىنداۋعا جەتكىزبەي تولىق ورىندادى", - دەدى ول.
ال ادۆوكات شاعاتاەۆ سونداي-اق بۇل جاعداي جولاۋشىلار تاسىمالى تۋرالى زاڭناماعا وزگەرىستەر ەنگىزۋگە سەبەپ بولعانىن اتاپ ءوتتى. ەندى بۇل سوت شەشىمى وسىنداي جاعدايلاردا بالالاردىڭ قۇقىعىن قورعاۋدىڭ پرەتسەدەنتى بولا الادى.
"Air Astana جالپى سوماسى 8 692 000 تەڭگە شىعىنعا ۇشىراعان. وعان اكىمشىلىك ايىپپۇل جانە مورالدىق زياندى وتەۋ كىرەدى. مۇمكىن مۇنداي اۆياكومپانيا ءۇشىن بۇل سوما از شىعار، بىراق مەنىڭ ويىمشا، بۇل دا ولارعا جايسىز", - دەپ قوستى ول.بەلگىلى بولعانداي، زەرە جانە زاۋرە ەسىمدى ەگىزدەر 2024 جىلدىڭ 20 شىلدەدە اقش-تان ورال قالاسىنا استانا ارقىلى ۇشىپ جەتپەك بولعان. رەيسكە تىركەۋ كەزىندە FlyArystan قىزمەتكەرلەرى ولاردىڭ تەك بىرەۋىن تىركەپ، زەرەنى جالعىز قالدىرىپ كەتكەن.
ۇقساس جاڭالىقتار
