پرەزيدەنتتىڭ تاپسىرماسىنا سايكەس، 2024 جىلى قازاقستاندا 18,96 ملن. شارشى مەتر تۇرعىن ءۇي سالىندى. بۇل – قازاقستان تاۋەلسىزدىك العاننان بەرى تۇرعىن ءۇي قۇرىلىسىنداعى رەكوردتىق كورسەتكىش.
2024 جىلدىڭ قورىتىندىسى بويىنشا 172 089 باسپانا پايدالانۋعا بەرىلدى. ونىڭ 39 064 جەكە ءۇي. وڭىرلەر اراسىندا شىمكەنت قالاسى، پاۆلودار، تۇركىستان جانە قىزىلوردا وبلىستارى قۇرىلىس قارقىنى بويىنشا كوش باستاپ تۇر.
2024 جىل قازاقستاننىڭ تۇرعىن ءۇي ساياساتى ءۇشىن بەتبۇرىس كەزەڭى بولدى. قاراشا ايىندا پرەزيدەنت «تۇرعىن ءۇي زاڭناماسىن رەفورمالاۋ تۋرالى» زاڭعا قول قويدى. ول ازاماتتاردىڭ تۇرعىن ءۇي جاعدايىن جاقسارتۋعا مەملەكەتتىك قولداۋ كورسەتۋ تەتىكتەرىن جەتىلدىرەدى. «وتباسى بانكى» «ءبىر تەرەزە» قاعيداتى بويىنشا مۇقتاج ازاماتتار اراسىندا تۇرعىن ءۇيدى تىركەۋ جانە بولۋمەن اينالىساتىن تولىققاندى دامۋ ينستيتۋتىنا اينالادى. رەفورما تۇرعىن ءۇي الۋ كەزەگىندەگى ازاماتتارعا باسپانا بەرۋ پروتسەسىنىڭ اشىقتىعىن ارتتىرۋ ماقساتىندا جۇرگىزىلدى.
سونداي-اق وسى زاڭ اياسىندا جالعا بەرىلەتىن مەملەكەتتىك تۇرعىن ۇيلەردە تۇراتىن 71 مىڭعا جۋىق ازاماتقا پاتەرلەرىن جەكەشەلەندىرۋگە مۇمكىندىك بەرىلدى. جالدامالى تۇرعىن ءۇي يەلەرىنىڭ كوپشىلىگى حالىقتىڭ الەۋمەتتىك وسال توپتارى، ۇوس ارداگەرلەرى، مۇگەدەكتىگى بار ازاماتتار، كوپ بالالى وتباسىلار، جەتىم بالالار جانە ت.ب.
الەۋمەتتىك وسال توپتارى ساناتىنداعى مۇقتاج ازاماتتار ءۇشىن اكىمدىكتەر 20 مىڭنان استام پاتەر ساتىپ الىندى. ونىڭ 13 مىڭعا جۋىق وتباسى العاش رەت جەكە باسپانانىڭ يەسى اتاندى.
ودان بولەك، 2300 ازاماتقا يپوتەكا بويىنشا باستاپقى جارنانى جابۋ ءۇشىن تۇرعىن ءۇي سەرتيفيكاتتارى تۇرىندە 2,6 ملرد تەڭگە ءبولىنىپ، 10,4 مىڭ ازاماتقا تۇرعىن ءۇيدى جالعا العانى ءۇشىن جالداۋ اقىسىنىڭ ءبىر بولىگىن جابۋ ءۇشىن تۇرعىن ءۇي تولەمدەرى سۋبسيديالاندى.
«ناۋرىز» جانە «وتاۋ» مەملەكەتتىك باعدارلامالارى اياسىندا 2024 جىلى 10 مىڭعا جۋىق وتباسى تۇرعىن ءۇي جاعدايىن جاقسارتتى. 64 مىڭعا جۋىق وتباسىن قولداۋعا مەملەكەت 1 ترلن. تەڭگە بولگەن. مەملەكەت جالداۋ اقىسىن سۋبسيديالاۋ جانە جەڭىلدەتىلگەن يپوتەكالىق نەسيەلەر بەرۋ بويىنشا قولداۋ كورسەتۋدى جالعاستىرادى.
2025 جىلى ەلىمىزدە 19 ملن. شارشى مەتر نەمەسە 175 مىڭ تۇرعىن ءۇي، 2029 جىلعا قاراي 111 ملن. شارشى مەتر سالۋ جوسپارلانۋدا.
ونەركاسىپ جانە قۇرىلىس مينيسترلىگى جەرگىلىكتى اتقارۋشى ورگاندارمەن بىرلەسىپ پرەزيدەنتتىڭ ءاربىر قازاقستاندىقتىڭ قولايلى جاعدايدا ءومىر ءسۇرۋىن قامتاماسىز ەتۋگە باعىتتالعان تاپسىرمالارىن بەلسەندى تۇردە جۇزەگە اسىرۋدا.
