2025 jyly elımızde 19 mln şarşy metr tūrǧyn üi salu josparlanǧan

Prezidenttıŋ tapsyrmasyna säikes, 2024 jyly Qazaqstanda 18,96 mln. şarşy metr tūrǧyn üi salyndy. Būl – Qazaqstan täuelsızdık alǧannan berı tūrǧyn üi qūrylysyndaǧy rekordtyq körsetkış. 2024 jyldyŋ qorytyndysy boiynşa 172 089 baspana paidalanuǧa berıldı. Onyŋ 39 064 jeke üi. Öŋırler arasynda Şymkent qalasy, Pavlodar, Türkıstan jäne Qyzylorda oblystary qūrylys qarqyny boiynşa köş bastap tūr. 2024 jyl Qazaqstannyŋ tūrǧyn üi saiasaty üşın betbūrys kezeŋı boldy. Qaraşa aiynda Prezident «Tūrǧyn üi zaŋnamasyn reformalau turaly» Zaŋǧa qol qoidy. Ol azamattardyŋ tūrǧyn üi jaǧdaiyn jaqsartuǧa memlekettık qoldau körsetu tetıkterın jetıldıredı. «Otbasy bankı» «Bır tereze» qaǧidaty boiynşa mūqtaj azamattar arasynda tūrǧyn üidı tırkeu jäne bölumen ainalysatyn tolyqqandy damu institutyna ainalady. Reforma tūrǧyn üi alu kezegındegı azamattarǧa baspana beru prosesınıŋ aşyqtyǧyn arttyru maqsatynda jürgızıldı. Sondai-aq osy zaŋ aiasynda jalǧa berıletın memlekettık tūrǧyn üilerde tūratyn 71 myŋǧa juyq azamatqa päterlerın jekeşelendıruge mümkındık berıldı. Jaldamaly tūrǧyn üi ielerınıŋ köpşılıgı halyqtyŋ äleumettık osal toptary, ŪOS ardagerlerı, mügedektıgı bar azamattar, köp balaly otbasylar, jetım balalar jäne t.b. Äleumettık osal toptary sanatyndaǧy mūqtaj azamattar üşın äkımdıkter 20 myŋnan astam päter satyp alyndy. Onyŋ 13 myŋǧa juyq otbasy alǧaş ret jeke baspananyŋ iesı atandy. Odan bölek, 2300 azamatqa ipoteka boiynşa bastapqy jarnany jabu üşın tūrǧyn üi sertifikattary türınde 2,6 mlrd teŋge bölınıp, 10,4 myŋ azamatqa tūrǧyn üidı jalǧa alǧany üşın jaldau aqysynyŋ bır bölıgın jabu üşın tūrǧyn üi tölemderı subsidiialandy. «Nauryz» jäne «Otau» memlekettık baǧdarlamalary aiasynda 2024 jyly 10 myŋǧa juyq otbasy tūrǧyn üi jaǧdaiyn jaqsartty. 64 myŋǧa juyq otbasyn qoldauǧa memleket 1 trln. teŋge bölgen. Memleket jaldau aqysyn subsidiialau jäne jeŋıldetılgen ipotekalyq nesieler beru boiynşa qoldau körsetudı jalǧastyrady. 2025 jyly elımızde 19 mln. şarşy metr nemese 175 myŋ tūrǧyn üi, 2029 jylǧa qarai 111 mln. şarşy metr salu josparlanuda. Önerkäsıp jäne qūrylys ministrlıgı jergılıktı atqaruşy organdarmen bırlesıp Prezidenttıŋ ärbır qazaqstandyqtyŋ qolaily jaǧdaida ömır süruın qamtamasyz etuge baǧyttalǧan tapsyrmalaryn belsendı türde jüzege asyruda.