چەحيانىڭ سولتۇستىك-باتىسىنداعى موست قالاسىنداعى مەيرامحانادا بولعان ءورت سالدارىنان التى ادام قازا تاۋىپ، سەگىز ادام كۇيىك جاراقاتىمەن اۋرۋحاناعا جەتكىزىلدى. شامامەن 30 ادام ەۆاكۋاتسيالاندى، دەپ حابارلايدى «ادىرنا» ۇلتتىق پورتالى Euronews-كە سىلتەمە جاساپ.
پوليتسيا مەن ءورت سوندىرۋشىلەر وقيعانىڭ سەبەبى گاز جىلىتقىشىنىڭ جارىلۋى ەكەنىن مالىمدەدى.
ء"ورت ءتۇن ورتاسىندا باستالدى، مەيرامحانا ءالى اشىق بولعان. ونى اۋىزدىقتاۋ ءۇشىن 60-تان استام ءورت ءسوندىرۋشى بىرنەشە ساعات جۇمىس ىستەدى", – دەلىنگەن حابارلامادا.
Deutsche Welle اگەنتتىگى AFP-گە سىلتەمە جاساپ، ءورتتىڭ مەيرامحانانىڭ اعاش تەرراساسىندا باستالعانىن حابارلادى. جالىن تەز ارادا بۇكىل عيماراتتى شارپىعان. العاشقى ءورت سوندىرۋشىلەر كەلگەندە، مەيرامحانا تولىقتاي وتقا ورانعان.
ورتپەن كۇرەس ءبىر ساعاتتان استام ۋاقىتقا سوزىلعان. تۇنگى 01:00-دەن كەيىن ءورتتى لوكاليزاتسيالاۋ مۇمكىن بولعان. وقيعا ورنىنان التى ادامنىڭ ءمايىتى تابىلدى. تاعى سەگىز ادام ءتۇرلى دارەجەدەگى كۇيىكپەن پراگا، موست جانە ۋستي-ناد-لابەم قالالارىنداعى اۋرۋحانالارعا جەتكىزىلدى.
سونداي-اق، كورشىلەس كوپقاباتتى ۇيدەن شامامەن 30 ادام ەۆاكۋاتسيالانعانى ايتىلدى.
ىشكى ىستەر ءمينيسترى ۆيت راكۋشان جەكسەنبى كۇنى وقيعا ورنىنا باردى.
موست قالاسىنىڭ مەرى مارەك حرۆول بۇل جاعدايدى قالانىڭ جاڭا تاريحىنداعى ەڭ قايعىلى وقيعا دەپ اتادى.
