جولاۋشىلار ماڭعىشلاق-ورال باعىتى پويىزىنداعى جاعدايعا شاعىم ايتتى، دەپ حابارلايدى "ادىرنا" ۇلتتىق پورتالى inaktau.kz-كە سىلتەمە جاساپ.
الەۋمەتتىك جەلىدە تاراعان اقپاراتتارعا سايكەس، پويىزدا تازالىق اتىمەن مۇلدەم بولماعان. ودان بولەك، جولاۋشىلار ءۇشىن تەلەفون قۋاتتاۋعا ارنالعان جەرلەر جوق جانە تاراقان ءورىپ ءجۇر.
جولاۋشى ايەلدەردىڭ ءبىرى Instagram-دا نازىن جەتكىزگەن.
"ماڭعىشلاق-ورال باعىتىنداعى ۆاگوندار سۇمدىق، قايتىپ بارا جاتقاندارى دا سولاي. بالالار بولەك ۇيىقتاۋعا قورىقتى. تاراقاندار تولىپ ءجۇر، تەلەفون قۋاتتايتىن جەر جوق، دارەتحانالار سۇمدىق كۇيدە. ادامداردىڭ شاعىمىن تىڭدايتىن كوندۋكتورلاردى ايايمىن. قىسقاسى، سۇمدىق ەندى", - دەيدى ول.شاعىم ايتقان ايەل ادام پويىز ىڭعايسىز ءارى جولاۋشىلاردىڭ دەنساۋلىعىنا كەسىرىن تيگىزۋى مۇمكىن ەكەنىن اتاپ وتكەن. ايتا كەتەيىك، كولىك مينيسترلىگى قازاقستاندا 2024 جىلعى 1 قازاننان باستاپ پويىز بيلەتتەرى 20% قىمباتتاعانىن حابارلاعان.
ۇقساس جاڭالىقتار
