بۇگىن، 6 قاڭتاردا تۇركىستان وبلىسىنا جاڭا اكىم تاعايىندالدى. بۇل تۋرالى اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ جارلىعىمەن نۇرالحان ورالبايۇلى كوشەروۆ تۇركىستان وبلىسىنىڭ اكىمى لاۋازىمىنا تاعايىندالدى»،—دەلىنگەن حابارلامادا.
بۇعان دەيىن بۇل قىزمەتتى دارحان ساتىبالدى اتقارعان بولاتىن.
نۇرالحان كوشەروۆ 1984 جىلى شىمكەنت قالاسىندا دۇنيەگە كەلگەن. ءبىلىمى جوعارى. م.اۋەزوۆ اتىنداعى وڭتۇستىك-قازاقستان مەملەكەتتىك ۋنيۆەرسيتەتى، قازاق گۋمانيتارلىق زاڭ ۋنيۆەرسيتەتى، ماسكەۋدەگى رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسى جوعارى ءبىلىم بەرەتىن مەملەكەتتىك بيۋدجەتتىك ءبىلىم بەرۋ مەكەمەسىندە ءبىلىم العان.
ەڭبەك جولىن 2008 جىلى پارلامەنت ءماجىلىسى دەپۋتاتىنىڭ كومەكشىسى بولىپ باستادى. 2009-2011 جىلدارى قارجى مينيسترلىگىنىڭ سالىق كوميتەتىندە تالداۋشى، استانا قالاسى سالىق دەپارتامەنتىنىڭ المالى اۋدانى بويىنشا سالىق باسقارماسىنىڭ زاڭدى تۇلعالاردىڭ سالىق ءاۋديتى ءبولىمىنىڭ باس مامانى بولىپ ەڭبەك ەتتى.
2010-2014 جىلدار ارالىعىندا استانا قالاسىنىڭ سالىق دەپارتامەنتى ەسىل اۋدانىنىڭ سالىق باسقارماسى باستىعىنىڭ ورىنباسارى قىزمەتىن اتقاردى.
2014 جىلدان 2015 جىلعا دەيىن استانا قالاسى ەسىل اۋدانى بويىنشا مەملەكەتتىك كىرىستەر باسقارماسىنىڭ باستىعى، قارجى مينيسترلىگى سالىق كوميتەتىنىڭ استانا قالاسى بويىنشا سالىق دەپارتامەنتى باسشىسىنىڭ ورىنباسارى بولدى.
2015-2018 جىلدارى شىمكەنت قالاسى اكىمىنىڭ ورىنباسارى، 2018-2021 جىلدارى قر قارجى مينيسترلىگىنىڭ مەملەكەتتىك كىرىستەر كوميتەتى ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنىڭ اقتاۋ قالاسى بويىنشا مەملەكەتتىك كىرىستەر باسقارماسىنىڭ باسشىسى، قر قارجى مينيسترىگىنىڭ مەملەكەتتىك كىرىستەر كوميتەتى شىمكەنت قالاسى بويىنشا مەملەكەتتىك كىرىستەر دەپارتامەنتىنىڭ باسشىسى لاۋىزىمدارىن ەڭبەك ەتتى.
2021-2023 جىلدارى قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى قىزمەتىن اتقارىپ كەلدى.
2023 جىلدان بۇگىنگى كۇنگە دەيىن تۇركىستان وبلىسى اكىمىنىڭ ورىنباسارى قىزمەتىن اتقارىپ كەلدى.
