بۇگىن رەسەي پرەزيدەنتى ۆلاديمير پۋتين بىرقاتار ەل باسشىسىن روجدەستۆو جانە كەلە جاتقان جاڭا 2025 جىلمەن قۇتتىقتادى. ولاردىڭ اراسىندا پرەزيدەنت قاسىم-جومارت توقاەۆ پەن ەكس-پرەزيدەنت نۇرسۇلتان نازارباەۆ تا بار. بۇل تۋرالى كرەملدىڭ ءباساسوز قىزمەتى ايتتى، دەپ حابارلايدى «ادىرنا» ءتىلشىسى.
پۋتين قۇتتىقتاۋىن ازەربايجان پرەزيدەنتى يلحام اليەۆتەن باستاپ، قىتاي حالىق رەسپۋبليكاسىنىڭ توراعاسى سي تسزينپينگە دە جولدادى. باسقا دا قۇتتىقتاۋ العاندار قاتارىندا بەلارۋس پرەزيدەنتى الەكساندر لۋكاشەنكو، تۇركيا پرەزيدەنتى رەجەپ تايىپ ەردوعان، ءۇندىستان پرەمەر-ءمينيسترى نارەندرا مودي، سولتۇستىك كورەيا باسشىسى كيم چەن ىن، كۋبا پرەزيدەنتى ميگەل دياس-كانەل بار.
سونداي-اق ول بىرقاتار شەتەل مەملەكەتى مەن ۇكىمەتتەرىنىڭ بۇرىنعى باسشىلارىنا، اتاپ ايتقاندا، راۋل كاستروعا، روبەرت كوچاريانعا، نۇرسۇلتان نازارباەۆقا، سەرج سارگسيانعا، گەرحارد شرەدەرگە قۇتتىقتاۋ جەدەلحاتتارىن جولدادى.
ەسكە سالا كەتەيىك، تاۋەلسىزدىك كۇنى قارساڭىندا بۇرىنعى پرەزيدەنت نۇرسۇلتان نازارباەۆ رەسەي پرەزيدەنتى ۆلاديمير پۋتينمەن كەزدەسۋ ءۇشىن ماسكەۋگە بارعان بولاتىن.
