اقتاۋ اۋەجايىندا ءازىربايجان استاناسى باكۋدەن ۇشىپ كەلگەن ۇشاقتان اقاۋ شىقتى. بۇل تۋرالى بۇگىن، 30 جەلتوقساندا كولىك مينيسترلىگى ايتتى، دەپ حابارلايدى «ادىرنا» ءتىلشىسى.
«ۇشاق شتاتتىق رەجيمدە قوندى، الايدا قونعاننان كەيىن اۋە كەمەسىنىڭ الدىڭعى جاعىنداعى تىرەۋىشىندە ماسەلە پايدا بولدى»،—دەپ ءتۇسىندىردى مينيسترلىك.
اۋەجاي مەن جەردەگى قىزمەتتەر اۋە كەمەسىن ۇشۋ-قونۋ جولاعىنان سۇيرەپ شىعارعان. رەسمي مالىمەتتەرگە سۇيەنسەك، بورتتا جولاۋشىلار بولماعان. قازىرگى تاڭدا اقتاۋ اۋەجايى اشىق جانە شتاتتىق رەجيمدە جۇمىس ىستەپ جاتىر.
ەسكە سالايىق، 25 جەلتوقساندا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىراعان ەدى.
