جامبىل وبلىسىندا 15 جاستاعى مەكتەپ وقۋشىسىنىڭ دەنەسى ءۇيىنىڭ جانىنداعى سارايدان تابىلدى. قايعىلى جاعداي كوكباستاۋ اۋىلىندا بولعان، دەپ حابارلايدى "ادىرنا" ۇلتتىق پورتالى.
جامبىل وبلىسى پوليتسيا دەپارتامەنتىنىڭ ءباسپاسوز قىزمەتى بۇل فاكت بويىنشا قر قك 105-بابى «ءوزىن-ءوزى ولتىرۋگە دەيىن جەتكىزۋ» بويىنشا سوتقا دەيىنگى تەرگەۋ باستالعانىن مالىمدەدى.
«وقيعا ورنىندا جەدەل-تەرگەۋ توبى، پروكۋراتۋرا قىزمەتكەرلەرى، ءبىلىم باسقارماسىنىڭ وكىلدەرى، پسيحولوگتار جانە جامبىل وبلىسى بويىنشا بالا قۇقىقتارى جونىندەگى ۋاكىل جۇمىس ىستەپ جاتىر. وقيعانى جان-جاقتى، وبەكتيۆتى جانە تولىق تەرگەۋگە باعىتتالعان بارلىق قاجەتتى تەرگەۋ ارەكەتتەرى جۇرگىزىلۋدە»، – دەپ حابارلادى پوليتسيا.
قر قپك 201-بابىنا سايكەس، تەرگەۋ مۇددەسى ءۇشىن باسقا اقپارات جاريا ەتىلمەيدى.
