قوستاناي وبلىسىنىڭ اكىمى قۇمار اقساقالوۆ احمەت بايتۇرسىنۇلى مەن مىرجاقىپ دۋلاتۇلىنىڭ اۋىلىنا اپاراتىن جولداردىڭ قاشان جوندەلەتىنىن ايتتى، دەپ حابارلايدى «ادىرنا» ۇلتتىق پورتالى.
ورتالىق كوممۋنيكاتسيالار ورتالىعىندا وتكەن ءباسپاسوز ءماسليحاتىندا اكىمگە «احمەت بايتۇرسىنۇلىنىڭ 150 جىلدىعىنا وراي اعارتۋشىنىڭ تۋعان جەرى احمەت اۋىلىنا بۇرىنعى اكىم جول سالىنادى دەپ ۋادە بەرىپ ەدى. وكىنىشكە قاراي اتالعان جول سالىنعان جوق. كەلەر جىلى مىرجاقىپ دۋلاتۇلىنىڭ 140 جىلدىق مەرەيتويى. ارقالىق-تورعاي اۆتوجولىنان احمەت اۋىلىنا 120, مىرجاقىپتىڭ اۋىلىنا دەيىنگى 80 شاقىم جول قاشان سالىنادى؟» دەگەن سۇراق قويىلدى.
«2021 جىلى احمەت بايتۇرسىنۇلىنىڭ اۋىلىنا باراتىن جولعا شامامەن 27 شاقىرىم اسفالت جولى توسەلگەن ەدى. ال اۋدان ورتالىعىنان اۋىلعا دەيىن 120 شاقىرىم الىستا ورنالاسقان. بيىل قالعان 80 شاقىرىم جولعا قاراجات ءبولىندى. ارقالىق قالاسىنداعى «اليۋمين ستروي» كومپانياسى تەندەردى جەڭىپ الىپ، بيىل جولدى باستاعان ەدى. كەلەسى جىلى مىندەتتى تۇردە بىتىرەتىن بولامىز.
ال مىرجاقىپتىڭ اۋىلىنا اپاراتىن جول تاس جولدان قىزبەلگە دەيىن، قىزبەلدەن بيدايىققا دەيىنگى جولدى سالۋ ءۇشىن 1,5 ملرد تەڭگە قاراستىرىلدى. بيىل ونىڭ 15 شاقىرىم جولى جوندەلدى، ال قالعانىن كەلەسى جىلى اياقتايمىز، - دەدى قۇمار ىرگەبايۇلى.
