«رۋحاني جاڭعىرۋ» باعدارلاماسىندا ەلىمىز 2025 جىلدان باستاپ لاتىن الىپبيىنە كوشەتىنى تايعا تاڭبا باسقانداي جاىلدى. سوندىقتان دا قازىرگى تاڭدا لاتىن الىپبيىنە بايلانىستى ءوڭىر-وڭىردە اۋقىمدى جۇمىستار اتقارىلىپ جاتىر.
ماسەلەن جامبىل وبلىسى بويىنشا لاتىن گرافيكاسىنا نەگىزدەلگەن قازاق ءتىلى الىپبيىندە جالپىحالىقتىق ديكتانت جازۋ اكتسياسىنا 112 مىڭنان اسا ادام قاتىستى. وبلىس اكىمدىگىنىڭ تىلدەردى دامىتۋ باسقارماسىنىڭ ۇيىمداستىرۋىمەن وتكەن اكتسيا «جاڭا قازاق ءالىپبيى – رۋحاني جاڭعىرۋدىڭ باستاۋى» تاقىرىبىنا نەگىزدەلدى.
شارا لاتىن گرافيكاسىنداعى قازاق ءتىلى ءالىپبيىنىڭ، «قازاق ءتىلى ەملەسىنىڭ نەگىزگى ەرەجەلەرى» جوباسىنىڭ پراكتيكالىق تۇرعىدا مەڭگەرىلۋىن جان-جاقتى قامتۋ، ناقتىلاي ءتۇسۋ، حالىقتى بەيىمدەۋ ماقساتىندا ۇيىمداستىرىلدى.
وبلىستىق تىلدەردى دامىتۋ باسقارماسى باسشىسىنىڭ مىندەتىن اتقارۋشى مەدەت اتەننىڭ ايتۋىنشا، لاتىن ءالىپبيى بويىنشا جامبىلدا كەشەندى جۇمىستار اتقارىلىپ جاتىر. سونىڭ ءبىر دالەلى وبلىستىڭ ون اۋدانى مەن تاراز قالاسىنان 112 مىڭنان استام ادام قاتىسقان جاتجازۋ اكتسياسى.
«لاتىن الىپبيىنەن ديكتانت جازعانداردىڭ قاتارىندا تاراز قالاسى مەن اۋداندارىنىڭ مەملەكەتتىك قىزمەتكەرلەرى، مادەنيەت، دەنساۋلىق ساقتاۋ، بايلانىس، قارجى، قۇقىق قورعاۋ، سپورت، قۇرىلىس، كولىك، توتەنشە جاعداي جانە تاعى باسقا سالالاردىڭ، حالىققا قىزمەت كورسەتۋ ورتالىقتارىنىڭ قىزمەتكەرلەرى بار. سونداي-اق شاراعا جوعارى، ارناۋلى ورتا وقۋ ورىندارىنىڭ وقىتۋشىلارى مەن ستۋدەنتتەرى، 15 جاستان اسقان مەكتەپ وقۋشىلار بەلسەندى قاتىستى. قاتىسۋشىلار ءبىر مەزەتتە بەلگىلەنگەن تاقىرىپ اياسىندا ديكتانت جازدى. قاتىسۋشىلار حالىقپەن تىكەلەي جۇمىس ىستەيتىن قىزمەتكەرلەر بولعاندىقتان لاتىن قارپىن ولاردىڭ ءبىرىنشى كەزەكتە مەڭگەرۋى ماڭىزدى. ۇيىمداستىرۋشىلار، لاتىنشا ديكتانت جازۋعا كەلگەندەر زامان تالابىنا ساي ءبىلىمدى بولۋ كەرەك دەپ ويلايمىن. بۇل – ءوزىمىزدىڭ باستامامىزدان تۋىنداعان وبلىستىق شارا»، – دەيدى مەدەت اتەن.
جالپىحالىقتىق بارلىق اۋداندار مەن وبلىس ورتالىعىندا ءبىر مەزەتتە وتكىزىلدى. مەدەت اتەننىڭ ايتۋىنشا، الداعى ۋاقىتتا اتالعان اكتسيا جالعاسىن تاباتىن بولادى.
ەلىمىز ءۇشىن لاتىن الىپبيىنە كوشۋ وتە ماڭىزدى شارۋا. سوندىقتان دا بيلىك لاتىن الىپبيگە كوشۋگە ايرىقشا نازار اۋدارىپ وتىر. ماسەلەن 2020 جىلدان باستاپ مەكتەپتەردىڭ دايارلىق سىنىپتارى لاتىن الىپبيىندە ءبىلىم الا باستايدى. 2021 جىلى 1 سىنىپ، 2022 جىلى 2 سىنىپ، 2023 جىلى 3 سىنىپ، 2024 جىلى 4 سىنىپ جانە 2025 جىلى بارلىق سىنىپتار لاتىن الىپبيىندە وقيدى.
«ادىرنا»
ۇلتتىق پورتالى
