«Rýhanı jańǵyrý» baǵdarlamasynda elimiz 2025 jyldan bastap latyn álipbıine kóshetini taıǵa tańba basqandaı jayldy. Sondyqtan da qazirgi tańda latyn álipbıine baılanysty óńir-óńirde aýqymdy jumystar atqarylyp jatyr.
Máselen Jambyl oblysy boıynsha latyn grafıkasyna negizdelgen qazaq tili álipbıinde jalpyhalyqtyq dıktant jazý akııasyna 112 myńnan asa adam qatysty. Oblys ákimdiginiń tilderdi damytý basqarmasynyń uıymdastyrýymen ótken akııa «Jańa qazaq álipbıi – rýhanı jańǵyrýdyń bastaýy» taqyrybyna negizdeldi.
Shara latyn grafıkasyndaǵy qazaq tili álipbıiniń, «Qazaq tili emlesiniń negizgi erejeleri» jobasynyń praktıkalyq turǵyda meńgerilýin jan-jaqty qamtý, naqtylaı túsý, halyqty beıimdeý maqsatynda uıymdastyryldy.
Oblystyq tilderdi damytý basqarmasy basshysynyń mindetin atqarýshy Medet Atennyń aıtýynsha, latyn álipbıi boıynsha Jambylda keshendi jumystar atqarylyp jatyr. Sonyń bir dáleli oblystyń on aýdany men Taraz qalasynan 112 myńnan astam adam qatysqan jatjazý akııasy.
«Latyn álipbıinen dıktant jazǵandardyń qatarynda Taraz qalasy men aýdandarynyń memlekettik qyzmetkerleri, mádenıet, densaýlyq saqtaý, baılanys, qarjy, quqyq qorǵaý, sport, qurylys, kólik, tótenshe jaǵdaı jáne taǵy basqa salalardyń, halyqqa qyzmet kórsetý ortalyqtarynyń qyzmetkerleri bar. Sondaı-aq sharaǵa joǵary, arnaýly orta oqý oryndarynyń oqytýshylary men stýdentteri, 15 jastan asqan mektep oqýshylar belsendi qatysty. Qatysýshylar bir mezette belgilengen taqyryp aıasynda dıktant jazdy. Qatysýshylar halyqpen tikeleı jumys isteıtin qyzmetkerler bolǵandyqtan latyn qarpin olardyń birinshi kezekte meńgerýi mańyzdy. Uıymdastyrýshylar, latynsha dıktant jazýǵa kelgender zaman talabyna saı bilimdi bolý kerek dep oılaımyn. Bul – ózimizdiń bastamamyzdan týyndaǵan oblystyq shara», – deıdi Medet Aten.
Jalpyhalyqtyq barlyq aýdandar men oblys ortalyǵynda bir mezette ótkizildi. Medet Atennyń aıtýynsha, aldaǵy ýaqytta atalǵan akııa jalǵasyn tabatyn bolady.
Elimiz úshin latyn álipbıine kóshý óte mańyzdy sharýa. Sondyqtan da bılik latyn álipbıge kóshýge aıryqsha nazar aýdaryp otyr. Máselen 2020 jyldan bastap mektepterdiń daıarlyq synyptary latyn álipbıinde bilim ala bastaıdy. 2021 jyly 1 synyp, 2022 jyly 2 synyp, 2023 jyly 3 synyp, 2024 jyly 4 synyp jáne 2025 jyly barlyq synyptar latyn álipbıinde oqıdy.
«ADYRNA»
ulttyq portaly
