بۇگىن، 20 جەلتوقساندا مەملەكەت باسشىسى قاسىم-جومارت توقاەۆ قازاقستان گيمناستيكا فەدەراتسياسىنىڭ پرەزيدەنتى ءاليا يۋسۋپوۆانى قابىلدادى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
پرەزيدەنت ءاليا يۋسۋپوۆانى قازاقستان گيمناستيكا فەدەراتسياسىنىڭ پرەزيدەنتى بولىپ قايتا سايلانۋىمەن قۇتتىقتادى.
كەزدەسۋدە ەلىمىزدە كوركەم گيمناستيكانى دامىتۋ پەرسپەكتيۆاسى تالقىلاندى. قاسىم-جومارت توقاەۆقا فەدەراتسيانىڭ قازىرگى جۇمىسى مەن الداعى جوسپارى تۋرالى اقپارات بەرىلدى.
ءاليا يۋسۋپوۆا سپورت سالاسىنداعى كەيبىر وزەكتى پروبلەمالارعا قاتىستى بىرقاتار ۇسىنىسىن جەتكىزدى. فەدەراتسيا باسشىسىنىڭ ايتۋىنشا، بالالاردى گيمناستيكاعا ەرتە جاستان باۋلۋ ءۇشىن كەشەندى جۇمىس اتقارىلۋى كەرەك.
قاسىم-جومارت توقاەۆ سالا ينفراقۇرىلىمىن دامىتۋ جانە جاتتىقتىرۋشىلاردى دايارلاۋ ىسىندە تۋريزم جانە سپورت مينيسترلىگىمەن تىعىز قارىم-قاتىناس ورناتۋ قاجەت ەكەنىن ايتتى.
