يراندا حيدجابسىز ونلاين-كونتسەرت وتكىزگەن ءانشى پاراستۋ احماديگە قاتىستى قىلمىستىق ءىس قوزعالدى، دەپ حابارلايدى «ادىرنا» ءتىلشىسى.
ەل بيلىگى كونتسەرتتىڭ زاڭدى جانە مادەني ستاندارتتارعا سايكەس كەلمەيتىنىن مالىمدەدى. 11 جەلتوقساندا وتكەن شىعارماشىلىق كەشتىڭ جازباسى ينتەرنەتتە كەڭىنەن تارالعاننان كەيىن پوليتسيا ءانشىنىڭ ۇيىنە ءتىنتۋ جۇرگىزىپ، زاتتارىن تاركىلەگەن.
يراننىڭ سوت ورگاندارى احمادي مەن ونىڭ كومانداسىنا قارسى سوت ءىسى باستالعانىن راستادى. بيلىك ونىڭ ارەكەتتەرىن بەلگىلەنگەن نورمالاردى تىكەلەي بۇزۋ رەتىندە قاراستىرىپ، ءتيىستى شارالاردى قابىلدايتىنىن جەتكىزدى.
ايتا كەتەيىك، يراندىق ءانشىنىڭ كونتسەرتى 500 مىڭعا جۋىق قارالىم جيناعان. ال Instagram-داعى قىسقا تيزەر روليگىن شامامەن 2 ميلليون ادام كورگەن.
1979 جىلى يران بيلىگىنە راديكال ءدىني توپتار كەلگەن سوڭ ايەلدەرگە حيدجاب كيۋ مىندەتتەلگەن. يراننىڭ قازىرگى زاڭى ساي، ايەلدەر شاشى مەن موينىن كورسەتپەۋگە ءتيىس. ەرەجەنى ورىنداماعاندارعا ايىپپۇل سالىنادى نە قامالادى. ەلدە باسىنا ورامال تاقپاعان ايەلدەرگە كوشەدە ءجيى شابۋىل جاسالادى. حيدجاب كيۋ ءتارتىبىن ادەپ پوليتسياسى قاداعالايدى.
