وڭتۇستىك كورەيا پارلامەنتى پرەزيدەنت يمپيچمەنتىن قولداپ، داۋىس بەردى، دەپ حابارلايدى "ادىرنا" ۇلتتىق پورتالى.
ەل پرەزيدەنتى يۋن سوك ەل ەلدە اسكەري جاعداي ەنگىزگەن ەدى. ەلدەگى باسقارۋشى "ازاماتتىق كۇش" پارتياسىنىڭ 204 دەپۋتاتى ء"يا" دەپ داۋىس بەرگەن.
ەلدەگى داعدارىستىڭ باستى سەبەبى – پرەزيدەنتتىڭ ەلدە اسكەري جاعداي رەجيمىن ەنگىزۋى. اسكەري جاعداي ەنگىزىلگەن سوڭ پارلامەنتتىڭ 190 دەپۋتاتى عيماراتقا كىرىپ، پرەزيدەنت شەشىمىن توقتاتۋعا داۋىس بەرگەن.
"ماعان يمپيچمەنت جاريالانسا دا، تەرگەۋگە الىنسام دا، سوڭىنا دەيىن ءادىل كۇرەس جۇرگىزەمىن", – دەدى يۋن سوك ەل.
وڭتۇستىك كورەيادا ۇستازدىق ەتىپ جۇرگەن قازاقستاندىق دۋلات باقىشەۆ:
"204 دەپۋتات (ولاردىڭ پارلامەنتتەگى جالپى سانى جانە داۋىس بەرگەنى: 300 ادام) قولداپ، و.كورەيا پرەزيدەنتى يۋن سوك - يولگە رەسمي تۇردە يمپيچمەنت جاريالاندى. ەندى ماسەلەنى كونستيتۋتسيالىق سوت قارايتىن بولادى. زاڭ تالاپ ەتەتىن مەرزىم: 6 ايعا دەيىنگى ۋاقىت", - دەپ جازبا جاريالادى.
