بەكبولات تىلەۋحان: "بۇگىنگى جۇيە – قاسكوي جۇيە"

2310
ءماجىلىس دەپۋتاتى كەلەشەك ۇرپاق الدىنداعى ەڭ ماڭىزدى پروبلەمانى اتادى

 ماجىلىس دەپۋتاتى بەكبولات تىلەۋحان قازاقستانداعى ءبىلىم بەرۋ جۇيەسىن قاتاڭ سىنعا الدى.

"ماسەلە جۇيەدە. جۇيە – قاسكوي جۇيە. مۇنداي جامان جۇيە جوق. تالاي پروبلەما بار. جۇمىسسىزدىقتى ايتىپ جاتىرمىز. جەمقورلىقتى ايتامىز. ماسىلدىق دەيمىز. ەلىمجاندىقتىڭ جوقتىعى دەيمىز. وسىنىڭ ءبارى دە پروبلەما شىعار. بىراق بۇل ءبىلىم جۇيەسىنەن ماڭىزدى پروبلەما ءبىزدىڭ ۇرپاق ءۇشىن جوق", - دەدى بەكبولات تىلەۋحان Qazaqstan تەلەارناسىنداعى "اشىق الاڭ" باعدارلاماسىندا.

ءماجىلىس دەپۋتاتىنىڭ پىكىرىنشە، كەلەشەك ۇرپاق ءۇشىن ءبىلىم بەرۋ جۇيەسىن تۇبەگەيلى وزگەرتۋ كەرەك.

"ادامنىڭ ءومىر جولىنىڭ تابالدىرىعى مەكتەپ بولسا، مەكتەپتىڭ جانى مۇعالىم بولسا، مۇعالىمنىڭ قۇرالى وقۋلىق بولسا، وقۋلىقتىڭ باسى وقۋ باعدارلاماسىنان باستالاتىن بولسا، وسى بۇكىل تسيكلدى جاساعان كەزدە، بىلەسىز بە قانداي جۇيەمەن جاسالىپ جاتقانىن؟ ال ەندى بۇل جەردە جۇيەنى تۇبەگەيلى وزگەرتۋ كەرەك. جۇيە وزگەرمەي، بۇل داۋ – ەشقاشان تاۋسىلمايتىن داۋ", - دەپ كەسىپ ايتتى ول.

ال "جۇيەنى كىم وزگەرتۋى كەرەك؟" دەگەن سۇراققا بەكبولات تىلەۋحان حالىق وزگەرتۋى ءتيىس دەپ جاۋاپ بەردى. جۇرگىزۋشى "ول ءمينيستردىڭ قولىندا ەمەس پە" دەپ ەدى، ءماجىلىس دەپۋتاتى جاڭادان كەلگەن ءبىلىم ءمينيسترى مەن ۆيتسە-مينيسترگە دە ايتۋ قاجەتتىگىن اتاپ ءوتتى.

 Sputnik.

پىكىرلەر